Onlayn ictimai-siyasi qəzet
Rusiyanın Qafqazda missiyası bitməyibmi?..
Nihilist olmaq o qədər də düzgün seçim deyil. Ona görə də bu prizmadana yanaşanda gərək etiraf edəsən ki, bir çox Şərq xalqları məhz Rusiyanın sayəsində Avropaya və Avropa mədəniyyətinə qovuşdular və Avropanı özləri üçün kəşf etdilər.
Amma bununla belə, Rusiyanın xüsusi missiyası haqqında danışmaq bir qədər yersizdir, çünki bütün bunlar gec-tez olmalı idi, baxmayaraq ki, Rusiya mütəfəkkirləri bunun əksini iddia etməyi sevirlər: guya ki, Rusiya olmasaydı heç vaxt elmin və mədəniyyətin işğı bir çox xalqların üzərinə düşməyəcəkdi...
Nəyə görə bu detalın üstündə dayandıq? Hazırda Cənubi Qafqazda çox mürəkkəb geosiyasi proseslər gedir. Birincisi, erməni baş naziri Nikol Paşinyan təkcə sözdə anti-Rusiya siyasəti aparmır, yalnız MDB-nin və KTMT-nın tədbirlərini boykot etmir, həm də aşkar şəkildə öz ölkəsində Qərbin hərbi-siyasi iştirakının güclənməsinə çalışır.
İkincisi, Qərb, o cümlədən də Fransa da bir yerdə dayanmır, Parisin Ermənistandakı mövcudluğu artıq real məzmun və çalarlar alır və bu proses heç də hansısa fantastik əsərlərin predmeti deyil. Belə təəssürat yaranır ki, Fransa bir imperiya kimi getdikcə Cənubi Qafqaza, Ermənistana üz tutur.
Bir çox analitiklərin fikrincə, üç Afrika dövləti öz ərazisindən Fransa qoşunlarının çıxarılmasını tələb edəndən sonra Fransanın Ermənistana yönəlik geosiyasi can atımı tamam real məzmun kəsb etməyə başlayıb.
Amma burada Rusiya faktoru da var. Məsələ bundadır ki, İrəvan hələ də MDB-nin və KTMT-nin üzvüdür, baxmayaraq ki, zaman keçdikcə erməni siyasətçilər bu siyasi istiqamətlərdəki səylərini azaldırlar.
Məsələ bundadır ki, Ermənistanı Rusiya ilə daha çox keçmiş Dağlıq Qarabağ problemi bağlayırdı. İndi bu problem aradan qalxandan sonra, İrəvanı Rusiya ilə bağlayan tellər azalmağa başlayıb və hazırda İrəvanı Rusiya orbitində demək olar ki, heç nə saxlamır.
Moskvada hələ də ümid edirlər ki, iki ölkənin münasibətlərindəki soyuqluq Paşinyanın apardığı siyasətin nəticəsidir. Amma həqiqətən də belədirmi? Düşünmürük! Axı erməni cəmiyyətinin əksəriyyəti hələ də Paşinyanı dəstəkləyir! Bunu sonuncu munisipal seçkilər də göstərdi-düzdür, erməni baş nazirinin və tərəfdarlarının reytinqində azalmalar var, amma onlar hələ də siyasi lider olaraq qalırlar...
Burada daha bir məqam da var. Qərbin təsirlərinin Ermənistanda güclənməsi Bakını narahat etməlidirmi? Əvvəlcə qeyd edək ki, bu tamam real prosesdir. Fransa güclü imperiya təcrübəsi olan ölkədir. O, təkcə hərbi planda Avropanın ən güclü dövlətlərindən biru deyil, həm də Böyük Britanityadan sonra ən böyük keçmiş imperiyadır. Amma biz bundan heç də narahat olmamalıyıq, çünki ortada Rusiya faktoru var və bu məqam daha çox Moskvanı narahat etməlidir.
Əlbəttə ki, Qərbə qarşı ikinci cəbhə açmaq elə də asan məsələ deyil. Amma bu günlərdə başlayan HƏMAS-İsrail müharibəsi Rusiyanın işini bir qədər asanlaşdırır, çünki Qərb iki istiqamətdə müharibə aparmalı olacaq, bu isə elə də asan bir perspektiv deyil.
Bundan başqa, Moskvanın İrəvana real təsir imkanları var. Bugünlərdə bəyan edildi ki, Kreml Ermənistana göndərilən qazın qiymətini qaldırıb, yəni Moskva öz müttəfiqinə qarşı qaz müharibəsinə başlayır...
Bir daha qeyd edirik ki, Qərblə Ermənistanın yaxınlaşması bizi narahat etməməlidir. İrəvanla Moskvanın münasibətlərinin soyuması bizim maraqlarımıza cavab verir. Hazırda Bakı ilə Moskvanın münasibətləri ən yüksək səviyyədədir. Moskva bu yaxınlarda yəqin ki, öz sülhməramlılarını da bizim ərazimizdən çıxaracaq. Belə ki, Rusiya XİN-in sözçüsü M.Zaxarova bugünlərdə bildirdi ki, Bakının antiterror əməliyyatlarından sonra bölgədə vəziyyət tamam dəyişib və Kreml bunu özünün sülhpərvər missiyasında da nəzərə almalıdır...
Hüseynbala Səlimov 
YAZARIN DİGƏR YAZILARI
31 Mart 2025
29 Mart 2025
24 Mart 2025
22 Mart 2025
18 Mart 2025
15 Mart 2025
11 Mart 2025
08 Mart 2025
04 Mart 2025
01 Mart 2025
25 Fevral 2025
22 Fevral 2025
18 Fevral 2025
15 Fevral 2025
11 Fevral 2025
08 Fevral 2025
03 Fevral 2025
01 Fevral 2025
28 Yanvar 2025
25 Yanvar 2025
20 Yanvar 2025
18 Yanvar 2025
14 Yanvar 2025
11 Yanvar 2025
07 Yanvar 2025
04 Yanvar 2025
30 Dekabr 2024
28 Dekabr 2024
24 Dekabr 2024
21 Dekabr 2024
ŞƏRHLƏRŞƏRH YAZ