Onlayn ictimai-siyasi qəzet
Əhməd əş-Şəraanın təyin etdiyi qadın nazirlə bağlı ŞOK FAKTLAR - FOTO
Suriyanın paytaxtı Dəməşqdəki Xalq Sarayında 61 illik Bəəs rejiminin devrilməsindən sonra prezident Əhməd əş-Şəraanın rəhbərliyi ilə formalaşan ilk hökumət kabinetinin andiçmə mərasimi keçirilib.
Musavat.com "Haberler.com"a istinadən xəbər verir ki, kabinetin ən çox diqqət çəkən adı xristian icmasında feminist kimliyi ilə tanınan sosial işlər və əmək naziri Hind Kabavat olub.
Yeni hökumətdə müxtəlif cəmiyyət qruplarını təmsil edən nazirlər yer alıb. Xristian icmasında tanınan və feminist kimliyi ilə seçilən sosial işlər və əmək naziri Hind Kabavat, Dürzilərin sıx yaşadığı Suveyda bölgəsindən kənd təsərrüfatı naziri Əmced Bədr, Afrin bölgəsindən təhsil naziri Məhəmməd Əbdülrəhman Terko və 2006-2011-ci illərdə nəqliyyat naziri olmuş, əsasən ələvilərin yaşadığı Latakiya bölgəsindən Yarub Bədr hökumətin tərkibində yer alıblar.
Lakin türkmənlərin yeni kabinetdə təmsil olunmaması türkmən icmasında narazılıqla qarşılanıb.
Bundan əlavə, kəşfiyyat direktoru Enes Hattabın daxili işlər naziri təyin edildiyi, xarici işlər və müdafiə nazirlərinin isə əvvəlki vəzifələrində qaldığı bildirilib.
HİND KABAVAT KİMDİR?
1974-cü ildə Hindistanda anadan olan Hind Kabavat Suriyada böyüyüb. Suriya əsilli kanadalı hüquqşünas və sülh fəalı olan Kabavat, prezident Şaraanın kabinetində ən görkəmli fiqurlardan biridir. O, Corc Meyson Universitetində Dinlərarası Dialoq və Sülh Araşdırmaları Mərkəzinin direktoru vəzifəsində çalışır. Həmçinin, Suriya Müzakirə Komissiyasının Cenevrə Ofisinin vitse-prezidenti kimi fəaliyyət göstərib və Suriya sülh danışıqlarında aktiv iştirak edib.
TƏHSİLİ
Dəməşq Universitetində iqtisadiyyat təhsili alan Kabavat, daha sonra Beyrut Ərəb Universitetində hüquq üzrə ixtisaslaşıb və Tufts Universitetində beynəlxalq münasibətlər üzrə magistr dərəcəsi əldə edib. O, həmçinin Toronto və Harvard universitetlərində müzakirə və liderlik proqramlarında iştirak edib.
"SÜLH YOLUYLA DƏYİŞİM" YANAŞMASI
2004-cü ildən etibarən Suriyada dinlərarası dialoq və qadın hüquqları sahəsində çalışan Kabavat, qaçqın düşərgələrində qadınlara və sülh könüllülərinə təlimlər keçib. "Tastakel" adlı qadın mərkəzinin qurucularından biri olan Kabavat, "sülh yoluyla dəyişiklik" yanaşması ilə tanınır.
2007-ci ildə Tanenbaum Mərkəzi tərəfindən "Sülhməramlı" mükafatına layiq görülüb. 2009-cu ildə isə Corc Meyson Universitetindən İctimai Diplomatiya Mükafatı alıb.
HİND KABAVATIN LGBT DƏSTƏYİ
Hind Kabavat LGBT hüquqlarına verdiyi dəstəklə tanınır. O, 2015-ci ildə "Facebook" profil şəklini LGBT icmasına dəstək məqsədilə göy qurşağı formatında dəyişib. Bu addım Suriya tarixində bir ilk hesab olunur.
ŞƏRAANIN YENİ KABİNETİNİN TƏRKİBİ:
Xarici işlər naziri – Əsəd Həsən Şeybani
Müdafiə naziri – Murhaf Əbu Kasra
Daxili işlər naziri – Enes Hattab
Ədliyyə naziri – Mahzar əl-Veys
Ali təhsil naziri – Mervan Halebi
Vəqflər naziri – Məhəmməd Əbu Xeyr Şükri
Sosial işlər və əmək naziri – Hind Kabavat
Energetika naziri – Məhəmməd Bəşir
Maliyyə naziri – Məhəmməd Yusr Berniyə
İqtisadiyyat naziri – Nidal Şaar
Səhiyyə naziri – Musab Nezzal əl-Əli
Yerli idarəetmə naziri – Məhəmməd Ancerani
Telekommunikasiya naziri – Abdüssalam Heykəl
Fövqəladə hallar və fəlakətlərin idarə olunması naziri – Raid Salih
Kənd təsərrüfatı naziri – Əmced Bədr
Təhsil naziri – Məhəmməd Əbdülrəhman Terko
Şəhərsalma və mənzil naziri – Mustafa Əbdürrəzzaq
Mədəniyyət naziri – Məhəmməd Saleh
Gənclər və idman naziri – Məhəmməd Samih Hamid
Turizm naziri – Mazen Salihani
İnzibati inkişaf naziri – Məhəmməd Sikaf
Nəqliyyat naziri – Yarub Bədr
İnformasiya naziri – Hamza Mustafa
İqbal RZAYEV,
Musavat.com
XƏBƏR LENTİ
01 Aprel 2025
ŞƏRHLƏRŞƏRH YAZ