Onlayn ictimai-siyasi qəzet
BMT-də böyük islahat: Cəmi dörd qurum qalacaq...
Birləşmiş Millətlər Təşkilatı köklü restrukturizasiya aparmağa, əsas bölmələri birləşdirməyı və resursların yenidən bölüşdürülməsinə hazırlaşır.
Musavat.com xəbər verir ki, məlumatı BMT-nin baş katibi Antonio Quterreşin işçi qrupu tərəfindən hazırlanmış altı səhifəlik məxfi memoranduma istinadən Reuters agentliyi yayıb.
Sənəd onlarla agentliyin dörd əsas sahə üzrə birləşdirilməsini təklif edir: sülh və təhlükəsizlik, humanitar məsələlər, davamlı inkişaf və insan hüquqları. Xüsusi tədbirlərə Ümumdünya Ərzaq Proqramı (ÜƏP), UNICEF, ÜST və BMT QAK-ın əməliyyat strukturlarının vahid humanitar qurumda birləşdirilməsi daxildir. İslahat həmçinin bir-birini təkrarlayan funksiyaların ixtisar edilməsini və bir hissəsinin Cenevrə və Nyu-Yorkdan daha ucuz şəhərlərə köçürülməsi də daxil olmaqla işçilərin rasionallaşdırılmasını əhatə edir.
Təşəbbüs BMT-nin maliyyə böhranı ilə bağlıdır: təşkilatın əsas donoru olan ABŞ-ın 1,5 milyard dollar müntəzəm büdcə pulu və 1,2 milyard dollar sülhməramlı əməliyyatlara borcu var. ABŞ yardımının kəsilməsi artıq Humanitar Məsələlər İdarəsinin işçilərinin 20 faizinin ixtisarına səbəb olub və Beynəlxalq Miqrasiya Təşkilatında 6000 iş yerini ixtisar təhlükəsi altında qoyub.
Quterreş islahatları “parçalanmış strukturlara və bürokratiyaya” cavab adlandırıb, lakin yüzlərlə BMT əməkdaşı mayın 1-də Cenevrədə ixtisarlara etiraz edib. Yekun restrukturizasiya təklifləri mayın 16-dək təqdim edilməlidir.
Xatırladaq ki, fevralın 4-də ABŞ prezidenti Donald Tramp Birləşmiş Ştatların BMT-nin İnsan Haqları Şurasından və Yaxın Şərqdəki Fələstin Qaçqınlarına Yardım və İşlər üzrə Agentliyindən çıxarılması haqqında sərəncam imzalayıb. O, BMT-nin fəaliyyətini tənqid edərək bildirib ki, bu struktur “böyük potensiala malikdir”, lakin uzun müddətdir ki, bunu həyata keçirmir. Bundan əlavə, Amerika lideri hesab edir ki, BMT “çox yaxşı idarə olunmur”.
Musavat.com
XƏBƏR LENTİ
02 May 2025
ŞƏRHLƏRŞƏRH YAZ