Onlayn ictimai-siyasi qəzet
Putinin Ukrayna haqda dediklərinə özündən başqa kim inanır?..
Qolodomor - etiraf edək ki, bu sözü yalnız SSRİ dağılandan sonra eşitmişik. Nədir bu söz, o, özündə hansı mənanı ehtiva edir? 30-cu illərdə Ukraynanı bürümüş kütləvi aclıq! Hansının ki, nəticəsində nə az, nə də çox, 3-5 milyon adam həlak olub, bütöv nəsillər uzunmüddətli və davamlı xəstəliyə düçar olublar!..
Hazırda dünyanın 29 ölkəsi onu Ukrayna xalqına qarşı genosid aktı kimi qəbul edib. Bəli, İkinci Dünya müharibəsi və ya Böyük Vətən müharibəsi ərəfəsində Ukrayna xalqı kütləvi aclıqdan və 30-cu illərin ağır repressiyalarından keçmişdi. Ona görə də təəccüblənmək lazım deyil ki, onların bir hissəsi hətta faşist Almaniyasını kommunist və sovet imperiyasından xilaskar kimi qəbul etmişdi.
Belə də isə ukraynalıların və Ukraynanın bütün tarixi Rusiya ilə çarpışmalarda keçibdir. Həm də bu ölkənin əhalsinin bir hissəsinin 41-45-ci illərdə faşistlərlə əməkdaşlıq etməsi degər səbəbdən də təəccüblü görünmür - o vaxt sovet respublikalarının çoxu belə “polyarizasiya”dan keçmişdi.
Bəli, bir hissə sovetlərin, digər bir hissə isə almanların tərəfində vuruşurdu. Səbəbi də bu idi ki, müharibə ərəfəsində sovet imperiyası insanlara, millətlərə sözün əsl mənasında qan uddurmuşdu - siyasi repressiyalar, əsl sinfi genosid, kütləvi ateizm və ya dini əqidəyə görə amansız təqiblər...
İndi bunları demək olar ki, hamı bilir. Onda soruşa bilərsiniz ki, bəs biz bütün bunları niyə deyirik?
Ötən həftə Rusiya Prezidenti Vladimir Putinin növbəti “çıxış”ını verirdilər. Yenə də Ukraynadan, “Ukrayna faşizmi”ndən, Stepan Banderadan, “neonasizm”dən danışırdı. Deyirdi ki, guya Ukrayna prezidentinin yəhudi olması hələ o demək deyil ki, bu xalq, xüsusən də onları idarə edənlər neonasist deyillər! Sözündən belə çıxırdı ki, guya Ukrayna prezidentinin özü belə “əsl”, “xalis yəhudi” deyildir!..
Onu dinləyə-dinləyə qeyri-ixtiyari olaraq düşünürdük ki, görəsən, bu adamın dediklərinə özündən başqa kimsə inanırmı? Amma arabir Putinin çıxışı kəsilir və sürəkli alqışlar eşidilirdi. Bax, elə buna deyiblər kütləvi psixoz! Ən maraqlısı budur ki, Putinin çıxışından sonra başqa bir “veriliş” başladı və orada prezidentin “tezis”lərini xırdalamağa, “izah” etməyə başladılar! Nə demək olardı bu haqda?
Rusiya tədricən Şimali Koreyaya çevrilir. Belə getsə, bu ölkədə də insanlara dünyada həqiqətən olanları yox, təbliğat çarxlarını göstərəcəklər və onları inandırmağa çalışacaqlar ki, dünyanın ən xoşbəxt insanları ruslardır, məsələn, dünyanın ən güclü futbol komandası Rusiya millisidir, bütün çempionatları məhz rus millisi udur və s. və i.
Maraqlısı budur ki, bir neçə gündən sonra Böyük Vətən müharibəsinin başladığı gün gəlir. O müharibədə milyonlarla ukraynalı həlak olmuşdu. Bəs bunu hansı siyahıya yazaq? Həmin insanlar Rusiya qoşunlarının Ukraynanın şəhər və kəndlərini necə dağıtdıqlarının şahidi olsaydılar nə düşünərdilər, hansı hissləri keçirərdilər?..
Vladimir Putin bu dəfə də çox danışdı. Ən əsası dedi ki, guya dünya dəyişir! Amma bunu onun özü və hətta xalqının böyük hissəsi haqqında demək olmur. Əgər dünya dəyişirsə, bunu niyə Rusiya prezidenti və rus xalqı haqqında demək olmur?
Niyə görə onlar qəbul etmirlər ki, dünya dəyişdikcə xalqlar da müstəqilliyə və azadlığa can atırlar? Niyə görə belə bir sadə həqiqət ruslar tərəfindən qəbul olunmur? Bəli, bir vaxt SSRİ olub, Ukrayna SSRİ-nin tərkibində olub, onun bir respublikası olubdur, amma bunlar artıq keçmişdir, ötüb-keçəndir, daha bu, yoxdur, ukraynalılar azad və müstəqil olmaq istəyirlər! Doğrudanmı, bu cinayətdir, doğrudanmı, buna görə bütöv bir xalqa “neonasist”, “faşist” damğası yapışdırırlar? Əslində bunun özü rus şofinizminin bir təzahürü deyilmi? Ərazisinə görə Rusiya dünyanın ən böyük dövlətidir. Bir az da Ukraynadan torpaq qoparsa, nə dəyişəcəkdir? Doğrudanmı, bununla ruslar tox və firavan olacaqlar?..
Hüseynbala Səlimov 
YAZARIN DİGƏR YAZILARI
31 Mart 2025
29 Mart 2025
24 Mart 2025
22 Mart 2025
18 Mart 2025
15 Mart 2025
11 Mart 2025
08 Mart 2025
04 Mart 2025
01 Mart 2025
25 Fevral 2025
22 Fevral 2025
18 Fevral 2025
15 Fevral 2025
11 Fevral 2025
08 Fevral 2025
03 Fevral 2025
01 Fevral 2025
28 Yanvar 2025
25 Yanvar 2025
20 Yanvar 2025
18 Yanvar 2025
14 Yanvar 2025
11 Yanvar 2025
07 Yanvar 2025
04 Yanvar 2025
30 Dekabr 2024
28 Dekabr 2024
24 Dekabr 2024
21 Dekabr 2024
ŞƏRHLƏRŞƏRH YAZ