Onlayn ictimai-siyasi qəzet
Tovuzda 13 yaşlı yeniyetmə itkin düşüb.
Abulbəyli kənd sakini, 7-ci sinif şagirdi Aysun Süleymanlı dünən saat 18 radələrində oxuduğu Tovuz rayon Yusif Sadıqov adına Bozalqanlı kənd orta məktəbdən çıxıb və evə qayıtmayıb. Ailəsi məktəblinin itməsi ilə bağlı polisə müraciət edib.
Atası Elçin Süleymanov Musavat.com-a açıqlamasında deyib ki, qızının Əlimərdanlı kəndində yaşayan babasıgilə getdiyi ehtimal olunur:
“Kameralarda sonuncu dəfə Əlimərdanlı yolunda görünüb. Qayınatam həmin kənddə yaşayır. Hazırda o kəndə doğru gedirik”.
DİN-in Gəncə regional qrupunun baş inspektoru Eşqin Qasımov saytımıza açıqlamasında bildirib ki, axtarışlar həyata keçirilir.
Onun sözlərinə görə, Tovuza yaxın olan rayonlara da bu barədə məlumat verilib:
“Tez tapılıb ailəsinə təhvil verilməsi istiqamətində bütün tədbirlər həyata keçirilir. Yəqin ki, qısa müddətdə tapacağıq”.
Şahanə Rəhimli
Musavat.com
04 Aprel 2025
ŞƏRHLƏRŞƏRH YAZ