Onlayn ictimai-siyasi qəzet
Məsum Rəsulov barəsində həbs qərarı verildi
14 iyulda saxlanılan Dövlət Gömrük Komitəsinin Əməliyyat-istintaq Baş İdarəsinin rəisi Məsum Rəsulov barəsində 3 aylıq həbs qətimkan tədbiri seçilib.
Bununla bağlı Səbail Rayon Məhkəməsində qərar verilib. Dövlət Təhlükəsizliyi Xidmətinin təqdimatına ötən axşam növbətçi hakim Ülviyyə Şükürovanın sədrliyi ilə baxılıb. Prosesdə vəsatət təmin edilib və M.Rəsulovun istintaq müddətində həbsdə qalması üçün ilkin olaraq 3 aylıq həbs qətimkan tədbiri seçilib.
Qeyd edək ki, M.Rəsulovun vəzifə səlahiyyətlərindən qulluq mənafeyinə qəsdən zidd olaraq istifadə etməklə, qabaqcadan əldə edilmiş sövdələşməyə uyğun olaraq Dövlət Gömrük Komitəsinin digər vəzifəli şəxsləri vasitəsilə “Azərterminalkompleks” Birliyi tərəfindən hüquqi xidmət, reklam işləri, təlim-tədris və texniki servis xidmətlərinin göstərilməsi adı altında şirkətlərin hesabına köçürülən, müvafiq işlər görülmədən və xidmətlər göstərilmədən nağdlaşdırılaraq geri qaytarılan xüsusilə külli miqdarda dövlət büdcəsi vəsaitini mənimsəməsinə əsaslı şübhələr müəyyən olunub.
Həmçinin Məsum Rəsulovun, gömrükdə müsadirə edilmiş külli miqdarda siqaretin təyinatı üzrə çatdırılmaması nəticəsində dövlətin qanunla qorunan mənafelərinə mühüm zərər vurmasına əsaslı şübhələr müəyyən edilib.
O, Cinayət Məcəlləsinin 179.4 (xüsusilə külli miqdarda dövlət əmlakını mənimsəmə) və 308.1-ci (vəzifə səlahiyyətlərindən sui-istifadə) maddələri ilə məsuliyyətə cəlb olunub.\\"Qafqazinfo"
XƏBƏR LENTİ
15 Oktyabr 2024
ŞƏRHLƏRŞƏRH YAZ