Onlayn ictimai-siyasi qəzet
TƏCİLİ: Rusiya və Ukrayna Qara dənizi əhatə edən atəşkəs razılaşmasına gəldi
Musavat.com xəbər verir ki, ABŞ-ın vasitəçiliyi ilə Səudiyyə Ərəbistanında keçirilən dolayı danışıqlardan sonra Rusiya və Ukrayna enerji infrastrukturu üzrə mövcud atəşkəs rejimini Qara dəniz sularını da əhatə edəcək şəkildə genişləndirmək barədə razılığa gəliblər.
Bu barədə Ağ Ev tərəfindən yayılan iki ayrı birgə bəyanatda məlumat verilir: biri ABŞ və Rusiya arasında, digəri isə ABŞ və Ukrayna arasında imzalanıb. Sənədlərdə qeyd olunur ki, tərəflər Qara dənizdə:
• Təhlükəsiz naviqasiyanın təmin edilməsi,
• Güc tətbiqindən imtina,
• Kommersiya gəmilərinin hərbi məqsədlərlə istifadəsinin qarşısının alınması mövzusunda razılığa gəliblər.
Bəyanatlarda atəşkəsin qüvvəyə minmə vaxtı konkretləşdirilməyib, lakin bu addım bölgədə gərginliyin azaldılması və dəniz ticarətinin bərpası baxımından əhəmiyyətli siyasi siqnal kimi qiymətləndirilir.
Qeyd edək ki, bu razılaşma Rusiya və Ukrayna arasında uzun müddət sonra Qara dəniz üzrə ilk razılaşdırılmış sənəd kimi dəyərləndirilir.
Daha ətraflı: https://wapo.st/4cmkwox
Musavat.com
XƏBƏR LENTİ
26 Mart 2025
ŞƏRHLƏRŞƏRH YAZ