Onlayn ictimai-siyasi qəzet
“Kefdən getmirik...” – Məhərrəmlikdə də toy? + Məşhurlar etiraf edir
Bu gündən Azərbaycanda Məhərrəm ayı başlayıb. Hicri təqvimin ilk ayı olan Məhərrəm İslam aləmində hüzn və matəm ayı kimi qəbul olunur. Bu ilin Aşura günü – İmam Hüseynin (ə) Kərbəlada şəhadətə çatdığı gün – iyulun 5-nə təsadüf edəcək. Həmin gün ölkədə dini mərasimlərlə yad edilir. Məhərrəmlik dövründə musiqi səsləri susur, toylar, şənliklər keçirilmir. Çörəyi əsasən məclislərdən çıxan müğənnilər isə bu ayda işsiz qalır.
Bəs onlar Məhərrəmliklə bağlı nə bilirlər və dəvət olsa, toya gedirlərmi?
Məsələ ilə bağlı Yenisabah.az-a açıqlama verən müğənni Afət Fərmanqızı Məhərrəmlik ayında mahnılar yazdırdıqlarını və yeni sezon üçün paltarlar tikdirdiyini bildirib:
“Məhərrəm ayında mahnılar yazdırırıq, kliplər üçün hazırlıqlar edirik. Eyni zamanda sezon üçün paltarlar tikdirirəm. Eyni zamanda müəyyən serialları izləyirəm. Ev-eşiyə əl gəzdirirəm. Hazırda yeni bağ evi almışam ora ilə məşğul oluram”.
Müğənni, eyni zamanda, toya dəvət aldığı halda, iştirak etdiyini bildirib:
“Bu ayda toya dəvət alsaq, qəbul edirik. Çünki bəzi bölgələr var ki, Məhərrəmlikdə də toy edir. Bu da bizim işimizdir. Kefdən getmirik. Toylara getməmək isə mənim maddi vəziyyətimə təsir etmir. Çünki bunu sadəcə iş xətrinə edirəm”.
Müğənni Xuraman Şuşalı isə Məhərrəmlik ayı yaya təəssadüf etdiyi üçün rayonlara üz tutacağını deyib:
“Məhərrəmlik ayı istirahət ayı deyil. Bu ay İmam Hüseyn sevənlər üçün ən ağır aydır. Allah Kərbala şəhidlərinə rəhmət etsin. Məhərrəmlik ayı yaya düşdüyü üçün uşaqlarla 30 günlük tətil planımız var. Bakıda yox, rayonda olacağıq. Nabran, Quba, Qusar tərəflərdə olacam. O da yaya görə. Uşaqlar dərsdə deyil, bizdə də toy olmayacaq deyə, planımız belədir”.
İfaçı həmçinin, bu aylarda dəvət alsa belə, şənlik olan məclislərdə iştirak etməkdən çəkindiyini söyləyib:
“Məhərrəmlik aylarında toy idarəetməsi götürmürəm. Dəvət alsaq da, ağır günlərdə şənlik məclislərində iştirak etməməyə çalışıram. Biz ata, babadan belə görmüşük. Bu da bizim peyğəmbərimizə, ailəsinə və imamlarımıza olan sevgidən irəli gəlir. Düşünürəm ki, hər şey sevgi ilə olarsa, gözəldir”.
XƏBƏR LENTİ
26 Iyun 2025
ŞƏRHLƏRŞƏRH YAZ