Onlayn ictimai-siyasi qəzet
Paşinyanın adamı Türkiyəyə bu mesajı göndərdi - VİDEO
Ermənistan-Türkiyə münasibətlərində “konstruktiv mərhələ” – İrəvanın Ankaraya ismarışı
Ermənistan baş nazirinin rəhbərlik etdiyi nümayəndə heyətinin Türkiyəyə səfəri “müsbət atmosferdə” keçib.
Musavat.com xəbər verir ki, bu barədə Ermənistan xarici işlər nazirinin müavini Vahan Kostanyan bəyanat verib.
O bildirib ki, səfər zamanı Ermənistan-Türkiyə ikitərəfli münasibətləri ilə yanaşı, Cənubi Qafqaz və Yaxın Şərqdəki regional məsələlər də müzakirə olunub.
“Ermənistan və Türkiyənin bir sıra məsələlər üzrə mövqeləri kifayət qədər yaxın olaraq qiymətləndirildi”, - deyə Vahan Kostanyan deyib.
Diplomatın sözlərinə görə, iki ölkə arasında diplomatik pasport sahibləri və üçüncü ölkə vətəndaşları üçün quru sərhədin açılması ilə bağlı razılaşma qüvvədə qalır və bu istiqamətdə işlərin davam etdirilməsi vacib hesab olunur.
Kostanyan həmçinin qeyd edib ki, hər iki tərəf regional kommunikasiyaların açılmasına böyük önəm verir:
“Əlbəttə ki, Ermənistanın “Sülh çarpazı” (Перекрёсток мира) adlı layihəsi təqdim olundu və Türkiyə tərəfi Ermənistanın bu məsələyə yanaşmasını konstruktiv sayır”.
Musavat.com
XƏBƏR LENTİ
26 Iyun 2025
ŞƏRHLƏRŞƏRH YAZ