Onlayn ictimai-siyasi qəzet
Azərkosmos və ICESCO arasında müqavilə imzalanıb
Bakıda keçirilən 74-cü Beynəlxalq Astronavtika Konqresi çərçivəsində Azərbaycan Respublikasının Kosmik Agentliyi – Azərkosmos və İslam Dünyası Təhsil, Elm və Mədəniyyət Təşkilatı (ICESCO) arasında əməkdaşlıq müqaviləsi imzalanıb.
Müqavilə Azərkosmosun Beynəlxalq əlaqələr üzrə müşaviri Vüqar Bayramovun ICESCO-ya təqdim etdiyi “Biznes, innovasiya və elm” adlı layihəsi əsasında bağlanıb.
Azərbaycanın kosmos sahəsi üzrə hazırlanmış bu layihəyə ICESCO yaxın gələcəkdə 500 000 dollardan artıq investisiya ayıracaq.
Qeyd edək ki, ICESCO ilk dəfə kosmik sahənin inkişafı üçün investisiya layihəsi həyata keçirir.
Layihənin məqsədi turizm, ekologiya, kənd təsərrüfatı, texnologiya, kartoqrafiya, ətraf mühitin mühafizəsi, mədənçıxarma, infrastruktur və bir çox digər sahələrdə peyk resurslarının istifadəsini genişləndirməkdir.
Layihə çərçivəsində peyk texnologiyalarının istifadəsi və tədqiqi ilə bağlı yerli, beynəlxalq, o cümlədən İslam ölkələrinin elmi cəmiyyətləri, universitetlər və alimlərlə əməkdaşlıq qurulacaq. Bu tərəfdaşlıq ölkəmizdə kosmik innovasiyalar və ekosistemin inkişafına, yeni imkanların yaranmasına, ələlxüsus elmi kəşflərin edilməsinə böyük təkan verəcək.
“Düşünürəm ki, bu əməkdaşlıq təkcə İslam dünyası üçün deyil, həmçinin Azərbaycan və digər ölkələr üçün biznes, innovasiya və elm sahəsində irəliyə doğru atılmış böyük addımdır. Bu layihə bizim hamımız, o cümlədə elm xadimləri və gənclər üçün əla fürsət olacaq”, – deyə ICESCO-nun Baş direktoru Salim bin Məhəmməd əl-Malik bildirib.
“Azərbaycanın “ICESCO” ilə əməkdaşlığı hər il daha da möhkəmlənir. Sevindirici haldır ki, ICESCO ölkəmizdə məhz kosmos sahəsinin inkişafının davamlılığında maraqlıdır”, – deyə Azərkosmosun İdarə heyətinin sədri Saməddin Əsədov bildirib.
Qeyd edək ki, “Azərkosmos”un ICESCO ilə əməkdaşlığı çərçivəsində Bakıda keçirilən 74-cü Beynəlxalq Astronavtika Konqresində İslam dünyasından 500 tələbə iştirak edir. Onlar Türkiyə, Birləşmiş Ərəb Əmirliyi, Pakistan, Qətər, Küveyt, Tacikistan, Hindistan, İran, Nigeriya və digər dövlətləri təmsil edirlər. Bu gənclər tibb, mühəndislik və digər sahədə təhsil alırlar.
ICESCO-ya üzv olan 54 ölkədən yalnız 17-si kosmik sahəyə investisiya qoyur. Bu sərmayənin 2024-cü ildə 1 trilyon dollardan 2 trilyon dollara çatdırılması nəzərdə tutulur.
ƏLAQƏLİ XƏBƏRLƏR
XƏBƏR LENTİ
22 Noyabr 2024
21 Noyabr 2024
ŞƏRHLƏRŞƏRH YAZ