Onlayn ictimai-siyasi qəzet
“BakıKart”ın yenilənmiş mobil tətbiqi istifadəyə verildi
“BakıKart”ın yenilənmiş mobil tətbiqi artıq istifadəyə verilib.
Musavat.com xəbər verir ki, bu barədə məlumatı informasiya texnologiyaları üzrə mütəxəssis Elvin Abbasov yayıb.
O bildirib ki, istifadəçilər bu tətbiq vasitəsilə QR bilet əldə edə, “BakıKart” plastik kartlarının balansını artırıb idarə edə bilərlər.
“Eyni zamanda, 10-a qədər kart əlavə etmək imkanı mövcuddur. Balans artırma zamanı fiziki kartın yanınızda olması tələb olunmur, həmçinin QR biletlə daha rahat səyahət mümkündür.
Bundan əlavə, avtobus marşrutları və dayanacaqlarla bağlı məlumatların əlçatanlığını artırmaq və ictimai nəqliyyatla səfərlərin planlaşdırılmasını asanlaşdırmaq üçün geniş funksiyalı yeni bir tətbiqin hazırlanması üzərində işlər aparılır. “BakıKart” mobil tətbiqini həm “App Store”, həm də “Google Play” üzərindən yükləmək mümkündür”, - deyə Elvin Abbasov qeyd edib.
Şahanə Rəhimli
Musavat.com
XƏBƏR LENTİ
03 Aprel 2025
ŞƏRHLƏRŞƏRH YAZ