Onlayn ictimai-siyasi qəzet
Bu gün OPEC+ neft bazarındakı vəziyyəti müzakirə edəcək
Bu gün OPEC+ Nazirlərinin Monitorinq Komitəsinin onlayn rejimdə iclası keçiriləcək.
Musavat.com xəbər verir ki, iclasda Alyans ölkələri neft bazarındakı mövcud vəziyyəti təhlil edəcəklər.
Bu dəfə yalnız nazirlərin monitorinq görüşü nəzərdə tutulub. Bütün OPEC+ nazirlərinin tam miqyaslı görüşləri hazırda altı aydan bir keçirilir; növbəti belə görüş mayın sonunda baş tuta bilər. Bununla belə, cəmi iki gün əvvəl, aprelin 3-də 2024-cü ilin əvvəlindən könüllü olaraq neft hasilatını sutkada 2,2 milyon barel azaltmağı öhdəsinə götürmüş OPEC+-un səkkiz ölkəsi onlayn görüş keçirib. Görüşdə bazar üçün gözlənilməz qərar qəbul edilib: may ayında neft hasilatını sutkada 411 min barel artırmaqla bağlı.
Bu qərar və ABŞ-ın 185 ölkədən gələn məhsullara gömrük rüsumunun tətbiqi ilə bağlı açıqlaması Brent markalı neftin qiymətinin iki gündə təxminən 10 dollar ucuzlaşmasına səbəb olub. Aprelin 4-də kotirovkalar 23 avqust 2021-ci ildən bəri ilk dəfə olaraq bir barel üçün 65 dollardan aşağı düşüb.
Nazirlərin monitorinq iclaslarında OPEC+ adətən neft bazarının vəziyyətini qiymətləndirir və alyansın gələcək fəaliyyətləri ilə bağlı tövsiyələr verir. Lazım gələrsə, monitorinq komitəsi OPEC+ nazirlərinin ümumi iclasını tələb edə bilər.
Musavat.com
XƏBƏR LENTİ
05 Aprel 2025
ŞƏRHLƏRŞƏRH YAZ