Onlayn ictimai-siyasi qəzet
Almaniya Ukraynaya Starlink-ə alternativ peyk internetini maliyyələşdirir
Almaniya Ukraynaya ABŞ milyarderi İlon Maskın Starlink sisteminə alternativ olaraq Fransanın Eutelsat şirkətinə məxsus peyk internet şəbəkəsinə çıxışı maliyyələşdirir.
Musavat.com xəbər verir ki, bu barədə Reuters agentliyi məlumat yayıb.
Eutelsat-ın baş direktoru Eva Berneke Reuters-ə bildirib ki, şirkət təxminən bir ildir Alman distribyutoru vasitəsilə Ukraynaya xidmət göstərir. O qeyd edib ki, layihə Almaniya hökuməti tərəfindən maliyyələşdirilir, lakin onun dəyəri barədə açıqlama verməkdən imtina edib.
Bernekenin sözlərinə görə, hazırda Ukraynada Eutelsat şəbəkəsinə qoşulan 1000-dən az terminal var. Bu isə ölkədə fəaliyyət göstərən təxminən 50 min Starlink terminalı ilə müqayisədə çox azdır.
“Biz hazırda 5 minlə 10 min arasında terminalın tez bir zamanda quraşdırılacağını gözləyirik”, – deyə Berneke əlavə edib. Onun fikrincə, bu, bir neçə həftə ərzində baş verə bilər.
Reuters qeyd edir ki, ABŞ prezidenti Donald Trampın yenidən Ağ Evə qayıtdıqdan sonra Ukraynaya qarşı daha soyuq münasibəti və İlon Maskın Starlink platformasının etibarlılığı ilə bağlı Avropada yaranan narahatlıqlar bu alternativ təşəbbüsə marağı artırıb.
Musavat.com
XƏBƏR LENTİ
05 Aprel 2025
04 Aprel 2025
ŞƏRHLƏRŞƏRH YAZ