Onlayn ictimai-siyasi qəzet
Trampın reytinqi çökür - seçicilərin etimadı sarsılıb – WSJ sorğusu
ABŞ prezidenti Donald Trampın iqtisadi planlarına dəstək göstərən amerikalı seçicilər, onun idxal məhsullarına tətbiq etdiyi yeni tariflərdən sonra fikirlərini dəyişməyə başlayıblar. “Wall Street Journal” qəzetinin yeni sorğusu göstərir ki, bu addımlar ictimai rəydə şübhə və narazılığın artmasına səbəb olub.
Sorğu nəticələrinə əsasən Musavat.com bildirir ki, Trampın tarif siyasətinə dəstək son bir ildə azalaraq narazılığa çevrilib. Respondentlərin 54 faizi idxal məhsullarına tətbiq olunan tariflərə qarşı çıxıb. Bu göstərici onun planlarını dəstəkləyənlərin sayından 12 faiz bəndi çoxdur. Seçicilərin 75 faizi isə tariflərin gündəlik aldıqları məhsulların qiymətini artıracağını düşünür. Yanvar ayında bu göstərici 68 faiz idi.
Qeyd edək ki, sorğu martın 27-dən aprelin 1-dək aparılıb. Bu müddət ərzində Tramp Çin və Kanada, Meksika kimi ölkələrdən idxal olunan bəzi mallara yeni tariflər tətbiq etmişdi. Lakin sorğudan sonra, aprelin 3-də Tramp demək olar ki, bütün ABŞ-ın ticarət tərəfdaşlarını əhatə edən yeni genişmiqyaslı tarif proqramı elan edib. Bu açıqlama ABŞ-ın əsas ticarət tərəfdaşlarını şoka salıb və ertəsi gün, yəni aprelin 4-də ABŞ fond bazarında 2020-ci ildəki Covid pandemiyasının əvvəlindən bəri ən böyük satış dalğasına səbəb olub. Həmin satışlar aprelin 5-də daha da dərinləşib.
İqtisadçılar və analitiklər Trampın bu yeni ticarət strategiyasının ABŞ iqtisadiyyatına və dünya bazarlarına təsirlərini diqqətlə izləyirlər.
Musavat.com
XƏBƏR LENTİ
05 Aprel 2025
ŞƏRHLƏRŞƏRH YAZ