Onlayn ictimai-siyasi qəzet
Netanyahu Trampla görüşmək üçün Vaşinqtona gedir
İsrailin baş naziri Benyamin Netanyahu aprelin 7-də Vaşinqtona səfər edərək ABŞ prezidenti Donald Trampla görüşməyi planlaşdırır.
Musavat.com xəbər verir ki, məlumatı Axios portalı öz mənbələrinə istinadən yayıb.
Bildirilir ki, tərəflər ABŞ-ın tətbiq etdiyi idxal rüsumlarını, İranın nüvə proqramı və Qəzza zolağındakı vəziyyəti müzakirə edəcəklər. Axios qeyd edir ki, səfər əvvəlcə aprelin ortalarına planlaşdırılıb. Portalın mənbələri bildiriblər ki, İsrail baş nazirinin iştirak edəcəyi gözlənilən korrupsiya işi üzrə İsraildə keçiriləcək məhkəmə iclasları səbəbindən səfərin tarixləri hələ də dəyişə bilər.
Axios xəbər verir ki, Netanyahu ABŞ-İran nüvə razılaşmasının baş tutması ehtimalını zəif hesab edir və diplomatiya uğursuz olarsa, İranın nüvə obyektlərinə zərbə endirmək üçün Trampla danışıqlar aparmaq istəyir.
4-də Tramp bildirib ki, İran rəhbərliyi Vaşinqtonla dialoqu vasitəçilər vasitəsilə deyil, birbaşa danışıqlar yolu ilə aparmaq istəyir. Martın 7-də Tramp deyib ki, o, İranın ali dini lideri Ayətullah Əli Xamneyiyə nüvə proqramı üzrə danışıqların aparılmasını təklif edən mesaj göndərib, lakin Tehran ABŞ-la birbaşa dialoqdan imtina edib.
Musavat.com
XƏBƏR LENTİ
05 Aprel 2025
ŞƏRHLƏRŞƏRH YAZ