Onlayn ictimai-siyasi qəzet
Vitkoffun Moskvaya səfəri Rusiyanın dəvəti ilə baş tutur – Tramp tarixini də açıqladı
ABŞ prezidenti Donald Trampın xüsusi nümayəndəsi Stiven Vitkoff 6-7 avqust tarixlərində Rusiyaya gedəcək. Musavat.com xəbər verir ki, məlumatı Tramp Bedminsterdən (Nyu Cersi) Vaşinqtona uçmazdan əvvəl jurnalistlərə açıqlayıb.
Onun sözlərinə görə, Vitkoffun diqqəti əsasən "sərhəddə cəmləşib”: "İnsanlara Qəzzanı, insanlara ərzaq çatdırılmasını nəzərdə tuturam. Düşünürəm ki, o, gələn həftə, çərşənbə və ya cümə axşamı Rusiyaya gedə bilər. Onu görmək istəyirlər, onunla görüşmək istədilər. Görək nə olacaq".
Eyni zamanda Amerika lideri təsdiqləyib ki, əgər həmin vaxta qədər Ukrayna böhranının nizamlanmasına nail olunmasa, avqustun 9-da Rusiyaya qarşı sanksiyalar tətbiq edə bilər. “Ancaq görünür, onlar sanksiyaların öhdəsindən gəlməyi çox yaxşı bacarırlar”, - deyə prezident əlavə edib. Rusiyanın ABŞ-ın hazırkı administrasiyasının sanksiyalarından yayına biləcəyi ilə bağlı suala Tramp deyib ki, bunun baş verməsi üçün “insanların ölməsi dayandırılacaq bir razılaşma olmalıdır”.
Musavat.com
XƏBƏR LENTİ
26 Sentyabr 2025
ŞƏRHLƏRŞƏRH YAZ