Onlayn ictimai-siyasi qəzet
Türkiyə 7 ilə təbii qaz idxalını tam dayandırmaq niyyətindədir
Türkiyə 2030-cu ilədək təbii qaz idxalından asılılığı tamamilə aradan qaldırmağı planlaşdırır. Türkiyə Dövlət Neft Şirkətiolan TPAO-nun direktoru Məlik Xan Bilginin mətbuata verdiyi açıqlamaya görə, təbii qaz idxalından imtina ölkəsində dövlət büdcəsinin kəsiri problemini aradan qaldırmağa imkan verəcək: “2022-ci ildə enerjidaşıyıcıları idxalına görə Türkiyənin dövlət büdcəsində 90-100 milyard dollarlıq kəsir yaranıb. Aylıq kəsir məbləği 8-9 milyard dollar təşkil edib. Biz bu kəsiri bağlamağa çalışırıq”.
Türkiyə qaz idxalına Qara dənizdə aşkarladığı ehtiyatlar hesabına son qoymaq niyyətindədir. Rəsmilər indiyədək aşkarlanan ehtiyatların 30-40 illik dövrdə tələbatı təmin etməyə imkan verəcəyini deyirlər. İlkin mərhələdə Qara dənizdən gündəlik 10 milyon kubmetr – tələbatın 10 faizi həcmində hasilat həyata keçiriləcək. Bu isə qaz idxalından ayda 1 milyard dollara qənaət etməyə imkan verəcək – xərclər 9 milyard dollardan 8 milyard dollara düşəcək.
Türkiyə Prezidenti Rəcəb Tayib Ərdoğanın verdiyi məlumata görə, Qara dənizdən ilk qaz ölkənin qaz təchizatı şəbəkəsinə cari il martın sonunadək çatdırılacaq.
Musavat.com
XƏBƏR LENTİ
01 Oktyabr 2024
ŞƏRHLƏRŞƏRH YAZ