Onlayn ictimai-siyasi qəzet
Siyavuş Novruzov: “Yeni gələn vəzifəsinin icrasına başlayan kimi uzun müddət çalışan işçini işdən çıxarır”
Milli Məclisin iclasında çıxış edən Regional məsələlər komitəsinin sədri Siyavuş Novruzov Baş nazirin rəhbərliyi ilə hökumətin müzakirələrdə iştirakını nəzərə alaraq bildirdi ki, bələdiyyələrin torpaqlarının xəritələri hələ də verilməyib.
Musavat.com xəbər verir ki, deputat bunun daha ciddi problemlərə yol açdığını da vurğuladı: “Bələdiyyə mülkiyyətinə çox yerdə sahib çıxıblar”.
S.Novruzov təklif etdi ki, qanunla bələdiyyələrə verilən mülkiyyət onlara geri verilsin: “Qəbiristanlıqlar da qanunla bələdiyyələrə verilib, lakin ortada iş yoxdur”.
Komitə sədri digər bir məsələyə də toxundu: “Bir də görürsən hər hansı nazirlikdə rəhbər şəxslə bağlı dəyişiklik olur, yeni gələn vəzifəsinin icrasına başlayan kimi uzun müddət çalışan işçini işdən çıxarır. Çıxarılan şəxs nə korrupsiyaya yol verib, nə dövlətə xəyanət edib. Nə var-nə var o biri nazir və ya icra başçısı ilə işləyib. Həmin şəxs də gözləyir ki, bir pillə irəli çəkəcəklər, amma əksinə, işdən çıxarırlar”. Deputat bu məsələyə həssas yanaşmağa çağırdı.
E.Paşasoy,
Musavat.com
XƏBƏR LENTİ
08 Oktyabr 2024
ŞƏRHLƏRŞƏRH YAZ