Onlayn ictimai-siyasi qəzet
Norveç ötən il almanların əsas qaz tədarükçüsü olub
2023-cü ildə Almaniyanın əsas qaz tədarükçüsü Norveç olub. Şimal ölkəsi almanların qaz tələbatının 43 faizini qarşılayıb. Musavat.com xəbər verir ki, bu barədə məlumatı Almaniyanın Federal Şəbəkə Agentliyi açıqlayıb.
Musavat.com xəbər verir ki, agentliyin məlumatına görə, Almaniya 2023-cü ildə ümumilikdə 968 teravatt-saat təbii qaz idxal edib.
Bu zaman idxalda ən böyük pay Norveç (43 faiz), Hollandiya (26 faiz) və Belçikanın (22faiz) olub. Qonşu ölkələrə ixrac azalıb. əvvəlki illə müqayisədə əhəmiyyətli dərəcədə: 2023-cü ildə ümumi ixrac 187 terawatt-saat (2022-ci ildə - 499 terawatt-saat) təşkil edib. İxracda ən böyük pay Çexiyaya 42 faiz, Hollandiyaya 19 faiz və Avstriyaya 18 faiz məxsus olub.
Almaniya hazırda tədricən bərpa olunan enerji mənbələrinə keçir, kömür elektrik stansiyalarından imtina edir və atom elektrik stansiyalarını bağlayır. Ölkədə 2045-ci ilə qədər iqlim neytrallığına tam nail olmaq planlaşdırılır. Başlanğıcda keçid dövrü Rusiyanın enerji resurslarına, ilk növbədə qaza arxalanırdı. Lakin Rusiyanın Ukraynaya hücumundan sonra bu ölkədən qaz idxalı dayandırıldı.
Federal Şəbəkə Agentliyi həmçinin Almaniyada ev təsərrüfatları, müəssisələr və sənayenin 2023-cü ildə qaz istehlakını 5% azaltdığını bildirdi: "Almaniya 2023-cü ildə böyük həcmdə qaza qənaət edib. Əvvəlki illə müqayisədə istehlak 5 faiz azalıb. Almaniyada ümumi qaz istehlakının təxminən 41 faizi ev təsərrüfatlarının və biznesin, 59 faizi isə sənayenin payına düşür. 2018-ci ilin orta istehlakı ilə müqayisədə 2021-ci ildə təbii qaz istehlakı 17,5 faiz azalıb”.
Musavat.com
XƏBƏR LENTİ
24 Noyabr 2024
23 Noyabr 2024
ŞƏRHLƏRŞƏRH YAZ