Onlayn ictimai-siyasi qəzet
İngiltərə Hindistanla sövdələşməyə çalışır - on beşinci dəfə
Britaniya Hindistanla keçmiş müstəmləkənin biznes üçün nəhəng bazarını açacaq ticarət müqaviləsi imzalamağa hazırlaşır.
Musavat.com xarici mediaya istinadla xəbər verir ki, lakin müqavilənin ilk növbədə London üçün lazım olduğunu anlayan Delhi (şəhərin adı məhz belədir) ingilislərin şərtlərini yerinə yetirməyə tələsmir. Hindistan öz tələbələri və işçiləri, eləcə də yüngül sənayesi üçün daha yaxşı şərait yaratmağa çalışacaq.
Böyük Britaniyanın ticarət və biznes naziri Conatan Reynolds Hindistanın ticarət və sənaye naziri Piyuş Qoyal ilə danışıqlar aparmaq üçün Delhiyə uçub. Bu, danışıqların on beşinci raundu olacaq.
Bununla belə, bu raund leyboristlər üçün ilk olacaq, çünki bundan əvvəl hakimiyyətdə olan mühafizəkarların bir sıra təmsilçiləri razılığa gəlməyə cəhd göstərmişlər. Hətta Britaniyanın Hindistan əsilli keçmiş baş naziri Rişi Sunak da buna nail ola bilməyib. Bununla belə, Britaniya mediası qeyd edir ki, Sunak razılaşmaya daha yaxın olub.
London ilk növbədə avtomobil və viski tariflərinin ləğvini tələb edir. Hindistanlılar isə yüngül sənaye məhsullarının, xüsusən də toxuculuq məmulatlarının keçmiş metropolisə sərbəst şəkildə daxil olmasını istəyirlər.
Amma əmək miqrasiyası ilə bağlı fərqli xarakterli suallar var. Delhi öz vətəndaşlarının Britaniyaya işləmək və ya təhsil almaq üçün gəlməsini asanlaşdırmaq istəyir. Hindistanlılar sığorta haqları məsələsini də həll etmək niyyətindədirlər: Hindistanlı işçilər Britaniyadan pensiya almaq üçün müraciət etməsələr də, təqaüd fonduna ödənişlər etməyə məcburdurlar.
Musavat.com
XƏBƏR LENTİ
25 Fevral 2025
ŞƏRHLƏRŞƏRH YAZ