Onlayn ictimai-siyasi qəzet
Ermənistanda hərbi xidmətdən yayınmaya görə cəzalar sərtləşdirilir
Ermənistan hökuməti 3 aprel tarixli iclasında məcburi hərbi və ya alternativ xidmətdən, eləcə də hərbi toplanışlara gəlməkdən yayınmaya görə cinayət məsuliyyətinin sərtləşdirilməsini nəzərdə tutan qanun layihəsini təsdiqləyib.
Musavat.com erməni mediasına istinadən xəbər verir ki, yeni qanun layihəsi ilə Cinayət Məcəlləsinin 461 və 462-ci maddələrinə dəyişiklik edilməsi təklif olunur.
Yeni müddəalara əsasən, məcburi hərbi və ya alternativ xidmətdən yayınmaya görə azadlıqdan məhrumetmə müddəti hazırkı 2–5 il əvəzinə 3–6 il olacaq. Hərbi toplanışlardan yayınmaya görə isə artıq 1 ildən 3 ilə qədər azadlıqdan məhrumetmə cəzası və daha böyük məbləğdə pul cəriməsi nəzərdə tutulur.
Ermənistan hökuməti cəzaların sərtləşdirilməsini hərbi vəzifədən yayınma hallarının artması ilə izah edir. Rəsmi məlumata görə, 2023-cü ildə bu səbəbdən 1499 cinayət işi açılıbsa, 2024-cü ildə bu rəqəm 1779-a yüksəlib.
Musavat.com
XƏBƏR LENTİ
04 Aprel 2025
03 Aprel 2025
ŞƏRHLƏRŞƏRH YAZ