Onlayn ictimai-siyasi qəzet
Ermənistana qarşı “su məhkəməsi”nin vaxtı açıqlandı
Sirkə turşusu ilə zəhərlənmə nəticəsində ölən Oleq Qusovun ailəsinin iddiası üzrə məhkəmənin hazırlıq iclası fevralın 14-də keçiriləcək.
Musavat.com-un məlumatına görə, bunu ailənin vəkili Ayrat Xikmatullin RİA Novosti-yə bildirib.
Bundan əvvəl məlum olmuşdu ki, 2024-cü ilin fevralında “Cermuk” mineral suyundan zəhərlənərək ölən 65 yaşlı vladiqafqazlı iş adamı Oleq Qusovun ölümü ilə bağlı istintaq müvəqqəti olaraq dayandırılıb.
Bu arada Qusovun dul arvadı və qızları dəymiş ziyana görə 1,5 milyard rubl məbləğində təzminat və məhsul satışının dayandırılmasını tələb edərək iddia qaldırıblar.
Təqsirləndirilən şəxslərin adı Ermənistanın Cermuk Qrupu və fərdi sahibkar İqor Aleksandroviç İsupovdur. “Hazırlıq iclası fevralın 14-də baş tutacaq”, - məlumatda deyilir.
Erməni mediası xatırladıb ki, “Cermuk Group” QSC daha əvvəl onların məhsulları ilə qəza arasında əlaqə olduğunu təkzib etmişdi. Şirkət Qusovun ölümündən sonra Ermənistanın səlahiyyətli orqanlarının yoxlamalar apardığını və Rusiya tərəfinə müvafiq sübutlar təqdim etdiyini bildirib. Yoxlamalar Rusiyanın özündə də aparılıb. İddia olunur ki, onların nəticələri də Cermuk mineral suyunun beynəlxalq standartlara cavab verdiyini sübut edib.
Musavat.com
XƏBƏR LENTİ
22 Yanvar 2025
ŞƏRHLƏRŞƏRH YAZ