Onlayn ictimai-siyasi qəzet
Avropa Rusiyadan maye qaz idxalını minimuma endirib
Mart ayında Avropanın ümumi maye qaz idxalı təxminən 13,2 milyard kubmetr təşkil edib.
Musavat.com "Bruegel" Avropa analitik mərkəzinə istinadən xəbər verir ki, bu, fevral göstəricisindən 23,5 faiz, əvvəlki illə müqayisədə isə 28 faiz çoxdur.
İlin əvvəlindən Aİ ölkələrinin LNG alışları 14 faiz artaraq 35,5 milyard kubmetrə çatıb.
Mart ayında Amerika istiqamətindən (ABŞ və Trinidad və Tobaqo) Aİ-yə LNG tədarükü fevral ayı ilə müqayisədə 38 faiz artaraq 7,43 milyard kubmetrə çatıb. Yanvar-mart aylarında Avropanın bu ölkələrdən qaz idxalı 18 faiz artaraq 19,4 milyard kubmetr təşkil edib.
2025-ci ilin ilk üç ayında Afrikadan Avropaya 5,5 milyard kubmetrə yaxın, Yaxın Şərqdən isə 3,6 milyard kubmetr maye qaz çatdırılıb.
Rusiyadan Avropa İttifaqına LNG tədarükü 2025-ci ilin əvvəlindən 2024-cü ilin eyni dövrü ilə müqayisədə 3 faiz azalaraq 5,7 milyard kubmetrə yaxın olub.
Ümumilikdə birinci rübdə Aİ-nin Rusiyadan LNG idxalı keçən ilin eyni dövründəki 5,9 milyard kubmetrə qarşı təxminən 5,7 milyard kubmetr təşkil edib. Xüsusilə mart ayında Rusiyadan Avropaya 1,78 milyard kubmetr həcmində LNG tədarük edilib. Ötən ilin martında göstəric 1,86 milyard kubmetr, bu ilin fevralında isə 2,15 milyard kubmetr olmuşdu.
Bu ilin yanvar-mart aylarında Aİ-yə Rusiya qazının ümumi tədarükü təxminən 10 milyard kubmetr təşkil edib. Bu, ABŞ (18,4 milyard kubmetr) və Norveçin (23,6 milyard kubmetr) tədarükündən azdır. Beləliklə, birinci rübdə Rusiya Aİ ölkələrinə qaz tədarükündə üçüncü yeri tutub.
Musavat.com
XƏBƏR LENTİ
19 Aprel 2025
18 Aprel 2025
ŞƏRHLƏRŞƏRH YAZ