Onlayn ictimai-siyasi qəzet
Ürək çatışmazlığının az bilinən əlaməti: Ayaq biləklərində görünür
Mütəxəssislər bildirir ki, ayaq biləklərində və topuqlarda ödem – yəni şişkinlik – ciddi sağlamlıq problemlərinin, o cümlədən ürək çatışmazlığı və yağlı qaraciyərin əlaməti ola bilər.
Ödem adətən sıx, parlaq dəri, rəng dəyişikliyi və sərtlik ilə müşayiət olunur.
Qaraciyərdə artıq yağ yığılması nəticəsində yaranan yağlı qaraciyər xəstəliyi ilkin mərhələlərdə əlamətsiz ola bilər. Diaqnoz qoyulmazsa, xəstəlik siroza qədər irəliləyə bilər ki, bu da qaraciyər çatışmazlığına və ciddi hallarda ölümlə nəticələnə bilər. Xəstələrdə qarının yuxarı sağ hissəsində küt ağrı, həddindən artıq yorğunluq, səbəbsiz kilo itkisi və ümumi zəiflik müşahidə oluna bilər.
Ürək çatışmazlığı ürəyin bədənə kifayət qədər qan pompalaya bilmədiyi vəziyyətdir. Sinə ağrısı və nəfəs darlığı tipik əlamətlər olsa da, bacaklarda, ayaqlarda və topuqlarda ödem erkən xəbərdarlıq siqnalı ola bilər. Ödem gün ərzində daha nəzərə çarpır, səhər saatlarında isə daha az görünə bilər.
Nəfəs darlığı, yorğunluq, başgicəllənmə və huşunu itirmə halları ürək çatışmazlığının digər əlamətləri arasındadır. Ayaqlarda və topuqlarda səbəbsiz şişlik müşahidə etdikdə, mümkün qədər tez həkimə müraciət etmək vacibdir, çünki bu, ciddi xəstəliyin erkən əlaməti ola bilər.//E-saglam.az
XƏBƏR LENTİ
07 Sentyabr 2025
06 Sentyabr 2025
ŞƏRHLƏRŞƏRH YAZ