Onlayn ictimai-siyasi qəzet
Patriarx Kirill Marqarita Simonyanı “Knyaginya Olqa” ordeni ilə təltif etdi
Kremlin anti - Azərbaycan təbliğatçı mükafatlandırılması rezonans doğurdu
Rusiya Pravoslav Kilsəsinin rəhbəri Patriarx Kirill Kreml təbliğatçılarından biri olan Marqarita Simonyanı “Knyaginya Olqa” ordeni (III dərəcə) ilə təltif edib.
Musavat.com xəbər verir ki, bu addım Moskva mediasında xüsusi təqdim olunub.
Ordenin adı tarixi mənşəyini Ukrayna və Rus İmperiyasının dekorasiya ənənələrindən götürsə də, bu gün faktiki olaraq dini-simvolik mükafat xarakteri daşıyır və qadınlara “dövlət və ictimai fəaliyyətlərinə görə” verilir.
Lakin Simonyanın belə bir mükafata layiq görülməsi, xüsusilə də onun Azərbaycanla bağlı fəaliyyəti fonunda ciddi suallar doğurur. RT və “Rossiya Seqodnya” media qruplarının baş redaktoru kimi tanınan Simonyan uzun illər Kremlin əsas təbliğatçısı olub, amma eyni zamanda erməni etnik maraqlarının açıq müdafiəçisi kimi çıxış edib. Onun rəhbərliyi altında “Sputnik Azərbaycan” fəaliyyəti ölkəmizdə böyük qalmaqallarla yadda qaldı. Bir çox hallarda bu qurum Azərbaycan əleyhinə kampaniyaların aparılmasına alət edildi və FSB ilə əlaqəli agent şəbəkəsinin fəaliyyəti ifşa olunduqdan sonra Bakı bu qurumun əməkdaşlarını ölkədən çıxardı.
Musavat.com bildirir ki, Marqarita Simonyan Azərbaycanla Rusiya arasında münasibətlərin ən yaxın və isti olduğu məqamlarda belə ölkəmizə qarşı qərəzli mövqeyindən əl çəkməyib. Onun açıqlamaları, verilişləri və informasiya siyasəti çox vaxt Kremlin maraqlarına da zidd olub, çünki Azərbaycanı qaralamaqla Moskva-Bakı münasibətlərinə zərbə vurub.
Simonyan təkcə Rusiyanın daxili auditoriyası üçün deyil, beynəlxalq arenada da Kreml təbliğatının əsas simalarından biri sayılır. Qərb ölkələrinin əksəriyyəti, o cümlədən Avropa İttifaqı və ABŞ onu sanksiyalar siyahısına daxil ediblər. Azərbaycan ictimaiyyəti üçün isə Simonyan “anti-Azərbaycan ritorikanın daimi siması” kimi tanınır.
Bu səbəbdən Patriarx Kirillin məhz belə bir şəxsi dini-ictimai ordenlə təltif etməsi təsadüfi görünmür. Ekspertlərin fikrincə, bu addım həm Kremlin media aparatını, həm də onun əsas simalarını legitimləşdirmək cəhdi, eyni zamanda erməni lobbisinin təsirini nümayiş etdirməkdir.
Nəticədə, Rusiyada dövlət və kilsə tərəfindən yüksək səviyyədə təqdim edilən bu təltif, Azərbaycanda və beynəlxalq dairələrdə “mənəviyyatsız” addım kimi qarşılanır. Çünki Marqarita Simonyanın adı uzun illər boyu ölkəmizə qarşı aparılmış informasiya müharibəsi, qərəzli kampaniyalar və etnik maraqların müdafiəsi ilə assosiasiya olunur.
Musavat.com
ƏLAQƏLİ XƏBƏRLƏR
XƏBƏR LENTİ
07 Sentyabr 2025
06 Sentyabr 2025
ŞƏRHLƏRŞƏRH YAZ