Onlayn ictimai-siyasi qəzet
Yola başladıq, 35 ilə çatdıq!
“Yeni Müsavat” qəzetinin quruluşunun 35-ci ilinə həsr olunan qısa bir film.
Əslində, keçilən yola dair mənim müsahibəm - söylənişim.
Ən əlamətdar hadisə budur ki, biz bu müsahibənin ilk kadrlarını azad Qarabağda, Xankəndidə çəkdik. 35 il yol gəldiyimiz ünvana varmışdıq, sanki.
Uca Dövlətimizin, Millətimizin, Ordumuzun və müzəffər Prezidentimizin ən böyük hədiyyəsi bu idi!
Hər şeyin başlandığı nöqtədən olub - keçənlərə bir baxışdır, bu film.
Ali Baş Komandan İlham Əliyevin müqəddəs bayrağımızı o meydanda dikəltməklə, məğlubiyyət döngüsünü durdurduğu, dayandırdığı və yeni mərhələni başlatdığı yerdə dayanaraq, “Yeni Müsavat” hekayəsini anlatmağa başlamaq həyatımdakı ən möhtəşəm hadisə idi!
O an o qədər xoşbəxt idim ki! İçim qürurla, sevinclə dolu idi!
İnanılmaz, xəyalımın da ötəsində bir reallığı yaşayırdım!
“Yeni Müsavat”ın hekayəsi Azərbaycanımızın son 35 ilinin hekayəsidir!
Milli Azadlıq Hərəkatından doğan, bu hərəkatın ən önəmli layihəsi olan “Yeni Müsavat” dünən də, bu gün də Azərbaycanın yaşadığını yaşayır.
Həm də yazır!
Səlnaməçi qəzet!
35 ildir ölkəmizin informasiya tarlasına söz səpirik!
Sözümüz tutub - xoşbəxtik.
…Bəzən ümidsiz, bəzən bitkin, bəzən acılar, yoxluqlar, məğlubiyyət sindromları içərisində olduq, amma heç zaman YOLdan və Yazmaqdan vaz keçmədik, mövcudluğumuzu və missiyamızı qorumaq əsas düsturumuz oldu!
İndi isə yox dediyimiz hər şey VAR! Ümidlər, qürurlu ortam, qələbə və zəfər görmüş xalqımız, azad olunan torpaqlarla salamlaşma fürsətimiz…
Və Xankəndidə “Yeni Müsavat”ın 35 illiyini erkəndən, bir söyləniş - filmlə qeyd etməyimiz!
Uğrunda Yola başladığımız hədəflər gerçəkləşib, gerçəkləşməkdə davam edir!
Qarabağ azaddır, Xankəndi Azərbaycandır!
Yeni Turan qurulur!
Onun da içərisində Bütöv Azərbaycanın əsasları qoyulur!
O da olacaq, inşallah!
Xankəndi Azərbaycandır!
Təbriz Azərbaycandır!
…Dərc etdiyimiz 8578 nömrədən heç olmasa birini oxuyan hər kəsi təbrik edirəm.
Bu qəzetə, onun əsasında qurduğumuz Media Qrupuna əmək vermiş, hətta bir gün belə çalışmış hər kəsə təşəkkür edirəm!
Çalışmaqda olanlarla, yurdda qalanlarla Yola davam!
Yeni Azərbaycanda “Yeni Müsavat”la qalmaqda, “Yeni Müsavat”ın qalmasında iddialı və həvəsliyik.
Rauf ARİFOĞLU 
YAZARIN DİGƏR YAZILARI
10 Noyabr 2024
27 Iyul 2024
22 Iyul 2024
31 May 2024
03 Mart 2024
26 Fevral 2024
25 Fevral 2024
21 Fevral 2024
09 Fevral 2024
27 Yanvar 2024
14 Yanvar 2024
10 Yanvar 2024
24 Dekabr 2023
27 Oktyabr 2023
23 Oktyabr 2023
17 Oktyabr 2023
28 Sentyabr 2023
19:54
Tarix yazdıq, tarix yaratdıq - adına indi ‘’status-kvo’’ deyirlər... - Rauf Arifoğlunun yazısı
13 Sentyabr 2023
05 Sentyabr 2023
30 Avqust 2023
21:10 Parisin meri Gorusa niyə gəldi? "Fransız əsilli ermənilər" Ağdam yolunu bağlada bilərmi? VİDEO
22 Iyul 2023
18 Iyun 2023
ŞƏRHLƏRŞƏRH YAZ