Onlayn ictimai-siyasi qəzet
Millətini qəhrəmana çevirən Milli Qəhrəmana təbrik əvəzi... Rauf Arifoğlunun yazısı
Azərbaycana Zəfər qazandıran, 200 illik nəhs döngünü durduran, 100 illik erməni problemini, 30 illik işğalı həll edən; Füzulini, Qubadlını, Cəbrayılı, Zəngilanı, Hadrutu, Şuşanı, Ağdamı, Laçını, Kəlbəcəri, ən son olaraq, Xankəndini, Xocalını, Ağdərəni, Əskəranı - Qarabağı qurtaran, düşmən ordularını darmadağın edən, "xaçlı klub"un mənfur planlarını sıfırlayan liderin doğum günüdür! Qutlu olsun!
Bütün bu sadalanan uğurların hər biri millətimiz və dövlətimiz, eləcə də bütövlükdə türk-islam platforması üçün simvol anlamında, tarixilik mahiyyətindədir. O, hər bir müsəlmanın, hər bir türkün indiki qüruru, gələcək nəsillərin maraqları üçün nəhəng işlər gördü və görməkdədir.
Türk Dövlətləri Təşkilatının qurulması, Azərbaycanın Türk Dünyasının, İslam arealının parlayan və sevilən ulduzuna çevrilməsi onun strategiyası və konkret fəaliyyətinin nəticəsidir. İlham Əliyev Azərbaycanla bərabər, Türkiyəmizi, Türk Dövlətlərini, onların liderlərinin baxış açılarını da dəyişdirdi; türk qövmlərinin tarix boyu ən mehriban, ən koordinasiyalı və ən iddialı bir dövrə qədəm qoymasını təmin etmiş oldu.
Onun adı dünya Türklərinin nəhəng lider və ideoloqlarının isimləri ilə bir sırada dayanır; gördüyü işlərə görə gələcəkdə daha da önəm daşıyacaq. Türk dünyasının hər yerindən olan 10 milyonlarla ülküçü, milliyyətçi onu indidən özlərinə yeni Başbuğ, mənəvi-siyasi lider hesab edirlər. Və bunda haqlıdırlar...
İlham Əliyev Güney Qafqazın ən uzunömürlü separatizm ocağını söndürməklə, bölgəmizə və separatizmdən əziyyət çəkən Avropa dövlətlərinə böyük xidmət göstərmiş oldu. Artıq separatizmə qarşı mübarizənin yeni bir modeli - "İlham Əliyev modeli" mövcuddur və hazırda bu illətdən əziyyət çəkən bütün hövzələr həmin model haqqında danışır, onu öyrənir və bir an öncə tətbiq etməyə hazır olduğunu bildirir (Gürcüstan, Ukrayna, Moldova, Serbiya və s).
...Onun cəm halda etdiklərinin yalnız birini kim etsəydi, millətimizin və dövlətimizin "Şərəf lövhəsi"ndə öz yerini daim alacaqdı.
O isə bütün bunların cəmini etdi; üstəlik, heç bir halda "bunları mən etdim", demədən; müəllifliyi xalqına, onun içərisindən çıxan və İlham Əliyevin əmri ilə Zəfər savaşına qalxan qurtuluş Ordumuza bağışlamaqla...
O bu millətin gerçək Milli Qəhrəmanı olduğu halda, öz millətini qəhrəmana çevirməyi də bacardı. Bu nailiyyət İlham Əliyevin uğurlar silsiləsində ciddi yer tutur.
Məsələnin ən manidar tərəfi budur ki, İlham Əliyev bunca uğurlara, tarixi zəfərlərə sadəcə ardıcıl ...proses (sürəc) kimi baxır və davranışları ilə hələ də bu proseslərin ...davam edəcəyi mesajlarını verir.
Onun hər çıxışı yaxın və uzaq gələcək üçün indiki və gələcək nəsillərə bir ismarıcdır, onları fəaliyyətə və mübarizəyə hazırlamaqdır: "Durmaq yox, yola davam!" Xankəndidəki o son nitqi də daxil, onun çıxışlarında YEKUN xarakteri yoxdur.
O, dünyadakı bütün Azərbaycanlıların, 50 milyonluq böyük və uca millətin Prezidentidir. O, Xudafərin simvolunu, ayrılığın Araz sərhədini soydaşlarına ümid və hədəf olaraq təqdim edən və bu yoldakı bütün idealistləri özünə heyran qoyan böyük missiya sahibidir. Təmsil etdiyi xalqın birləşmə haqqı üçün əlindən gələni etdiyini və edəcəyini bilirik, təqdir edirik.
Etdikləri üçün təşəkkürlər, edəcəkləri üçün uğurlar!
Bu Adam son 200 ildə başımıza gələn ən yaxşı hadisədir!
Doğum gününüz qutlu olsun, cənab Ali Baş Komandan, cənab Prezident!
Rauf ARİFOĞLU 
YAZARIN DİGƏR YAZILARI
27 Iyul 2024
22 Iyul 2024
31 May 2024
03 Mart 2024
26 Fevral 2024
25 Fevral 2024
21 Fevral 2024
09 Fevral 2024
27 Yanvar 2024
14 Yanvar 2024
10 Yanvar 2024
24 Dekabr 2023
27 Oktyabr 2023
23 Oktyabr 2023
17 Oktyabr 2023
28 Sentyabr 2023
19:54
Tarix yazdıq, tarix yaratdıq - adına indi ‘’status-kvo’’ deyirlər... - Rauf Arifoğlunun yazısı
13 Sentyabr 2023
05 Sentyabr 2023
30 Avqust 2023
21:10 Parisin meri Gorusa niyə gəldi? "Fransız əsilli ermənilər" Ağdam yolunu bağlada bilərmi? VİDEO
22 Iyul 2023
18 Iyun 2023
03 Aprel 2023
29 Mart 2023
16 Mart 2023
19 Fevral 2023
15 Fevral 2023
10 Noyabr 2022
09 Noyabr 2022
28 Oktyabr 2022
ŞƏRHLƏRŞƏRH YAZ