Onlayn ictimai-siyasi qəzet
İlham Rəhimova qeyri-adi doğum günü təbriki: elə sirlər anons edildi ki...
Azərbaycanın dəyərli ziyalısı, böyük alimi, xeyriyyəçi iş adamı, professor İlham Rəhimovun doğum günüdür.
Əziz eloğlumu, özümün və Media Qrupumuzun dostunu ürəkdən təbrik edirəm.
Professor İlham Rəhimov Azərbaycanın milli sərvəti statusunda olan ziyalılarımızdandır. Onun ölkəmiz üçün gördüyü çox qiymətli işlərdən, apardığı fəaliyyətlərdən, Tovuz döyüşləri, daha sonra isə Vətən Müharibəsi zamanı dövlətimizə verdiyi böyük faydalardan az da olsa, xəbərdaram.
Elə detallar var ki...
Özü çox mütəvazidir, heç zaman bu fəaliyyətlərin işıqlandırılmasını istəmədi.
Lakin hər fraqmenti tariximizin önəmli bir parçası, zəfərimizin faydasına olan; üstəlik də böyük informasiya dəyəri daşıyan;
Güney Qafqazda cərəyan edən geopolitik proseslərin tam xəritəsini görməyə, anlamağa faydalı ola biləcək bu fəaliyyətlər haqqında yaxın gələcəkdə yazmaq, onları faktlaşdırmaq yaxşı olardı...
Onun Rusiya - Azərbaycan və xüsusən də Rusiya - Türkiyə münasibətlərinin yaxşılaşmasında böyük əməyi, konkret çalışmaları haqda danışmaq olar...
İndiki geopolitik konfiqurasiyada da professor İlham Rəhimovun bu və ya başqa dərəcədə rolu vardır.
Bizim onunla Rusiya, onun prezidenti Vladimir Putinlə bağlı müzakirə və hətta mübahisələrimiz olub.
Olduqca tolerant, başqa fikrə dözümlü, demokrat təbiətli İlham Rəhimovun hələ bir dəfə də olsun onun düşüncələrini paylaşmadığımıza görə bizə soyuq baxdığını, yaxud da tövür sərgilədiyini görmədim.
Polemika edər, arqumentlər səsləndirər, arsenalında olan və çoxlarının bilmədiyi qiymətli məlumatları arqumentlərə çevirər; lakin qarşıdakını əzməyə, faktaloji "darmadağın" etməyə, incitməyə qıymaz və buna getməz...
Kiçik bir nümunə: avqust ayının 29-u. Onunla Bakıdakı ofisində görüşdük. O zaman idi ki, Ukrayna propoqandası və ona qoşulan Azərbaycan mediası V. Putinin səhhətinin ağır olması, durumunun çıxılmazlığı barədə durmadan yazırdı.
Professorun Putinlə görüşdən yenicə qayıtdığını bilirdim.
3-4 gün bir yerdə olmuş (deyəsən, Soçidə), sonra Bakıya dönmüşdü.
Maraqla soruşdum: "Dostunuz necədir..."
Gülərək: "Heç nə, ilk gün 45 dəqiqə dayanmadan üzdü, sonra da dedi, gəl gəncliyimizi yada salaq... Güləş paltarı geyindik, bir o qədər də güləşdik..." (İlham Rəhimov və V. Putin tələbə və idman yoldaşı olublar.)
"Bəs deyirlər səhhəti..."
"Siz yazırsız da... Sən heç 45 dəqiqə dayanmadan üzə bilərsən… Sapsağlam və çox yaxşı formadadır... "
Bu qədər.
Nə ciddi qınaq, nə tənqid, nə israr, nə inandırmaq üçün xüsusi vurğular...
İki cümlə ilə dedi və keçdi...
Onu böyüdən də budur: o qədər təvazökar və dözümlüdür ki, kimsə özünü onun yanında diskomfortda hiss etmir...
Vətənpərvər alim, türk millətçisi ziyalı, ömrünü elmə və maarifləndirməyə həsr edən böyük azərbaycanlı, türk yurdu Tovuzun qüruru İlham Rəhimovun doğum gününü bir daha təbrik edir, ona uzun ömür, can sağlığı, daha böyük uğurlar və yaradıcılıq məhsuldarlığı arzu edirəm!
Rauf ARİFOĞLU 
YAZARIN DİGƏR YAZILARI
10 Noyabr 2024
27 Iyul 2024
22 Iyul 2024
31 May 2024
03 Mart 2024
26 Fevral 2024
25 Fevral 2024
21 Fevral 2024
09 Fevral 2024
27 Yanvar 2024
14 Yanvar 2024
10 Yanvar 2024
24 Dekabr 2023
27 Oktyabr 2023
23 Oktyabr 2023
17 Oktyabr 2023
28 Sentyabr 2023
19:54
Tarix yazdıq, tarix yaratdıq - adına indi ‘’status-kvo’’ deyirlər... - Rauf Arifoğlunun yazısı
13 Sentyabr 2023
05 Sentyabr 2023
30 Avqust 2023
21:10 Parisin meri Gorusa niyə gəldi? "Fransız əsilli ermənilər" Ağdam yolunu bağlada bilərmi? VİDEO
22 Iyul 2023
18 Iyun 2023
ŞƏRHLƏRŞƏRH YAZ