Onlayn ictimai-siyasi qəzet
"Ərdoğan Xocalıya gəlsə də, gəlməsə də, Qarabağdadır, bizimlədir" - R. Arifoğlu
Musavat.com -a çatan məlumata görə Xocalı soyqırımının 32-ci ildönümü sabah (ilk dəfə) Xocalı şəhərində qeyd ediləcək. Bu barədə redaksiyamıza məlumat verən qaynaq bildirib ki, artıq ölkənin müxtəlif rayonlarında məskunlaşan Xocalı sakinləri xüsusi nəqliyyatla bu şəhərə gətirilib. Eləcə də bir qrup ictimai xadimlər, dövlət adamları, gəncliyin fəal təmsilçiləri Xocalıdadır.
Sabah həm də Türkiyə Prezidenti Rəcəb Tayyib Ərdoğanın 70 yaşı tamam olur. Ərdoğan hələ 2020-ci ildə söz vermişdi ki, Xocalı soyqırımı ilə dəng gələn doğum günlərindən birini Azərbaycanın şəhidlər şəhəri Xocalıda keçirəcək.
@@TVmusavat/79508@@
Ərdoğanın Bakıya, oradan da Xocalı şəhərinə gəlib - gəlməyəcəyi barədə rəsmi məlumat yoxdur. Lakin "YM" Media Qrupunun rəhbəri Rauf Arifoğlu hesab edir ki, istənilən halda "Ərdoğan yanımızda, Qarabağda olacaq".
Özünün sosial media hesabında yazdığı qısa açıqlamada belə də yazılıb.
Həmin duyğusal və səmimi açıqlamanı təqdim edirik:
"70 illik yubileyiniz və sabahkı doğum gününüz indidən qutlu olsun, Rəis! "Doğum günümü Xocalıda qeyd edəcəm", demişdiniz! O zaman Xocalı heç bizdə deyildi...Amma biz hamımız, eyni ilə sizin kimi buna inanırdıq!
Sabah şəhid qanı ilə suvarılmış o müqəddəs şəhərdə soyqırımı anma törəni var. 32 ildən sonra ilk dəfə!!!
Qardaşın İlham Əliyev dedi, vəd verdi: dediyini etdi, vədini tutdu! Torpaqlarımız azad edildi, şəhidlər şəhəri Xocalı qayıtdı! O qədər böyük hadisədir ki! İki böyük liderin, iki möhtəşəm Türk dövlətinin qüdrəti və işbirliyi düşməni çökdürdü, haqqı yerinə qoydu! Türkün gücünün təmin etdiyi ədalət! Xocalıya ədalət!
Sabah o törənlə Xocalı şəhidlərinin qisası alınmış sayılacaq. 32 il sonra böyük bir Zəfərlə Xocalıdayıq! Şəhidlərimizi anacaq, düşmənlərimizi lənətləyəcək və onlara gözdağı verəcəyik!
Sizi də gözləyəcəyik!
Amma gəlsəniz də, gəlməsəniz də Sizi yanımızda biləcəyik.
Siz onsuz da hər zaman yanımızda, ürəyimizdə, Qarabağımızdasınız!
Yaxşı ki, varsınız, yaxşı ki, Türkiyəmiz var!
Doğum gününüz, yubileyiniz mübarək, Mübarək Adam! "
Musavat.com
Rauf ARİFOĞLU 
YAZARIN DİGƏR YAZILARI
10 Noyabr 2024
27 Iyul 2024
22 Iyul 2024
31 May 2024
03 Mart 2024
26 Fevral 2024
25 Fevral 2024
21 Fevral 2024
09 Fevral 2024
27 Yanvar 2024
14 Yanvar 2024
10 Yanvar 2024
24 Dekabr 2023
27 Oktyabr 2023
23 Oktyabr 2023
17 Oktyabr 2023
28 Sentyabr 2023
19:54
Tarix yazdıq, tarix yaratdıq - adına indi ‘’status-kvo’’ deyirlər... - Rauf Arifoğlunun yazısı
13 Sentyabr 2023
05 Sentyabr 2023
30 Avqust 2023
21:10 Parisin meri Gorusa niyə gəldi? "Fransız əsilli ermənilər" Ağdam yolunu bağlada bilərmi? VİDEO
22 Iyul 2023
18 Iyun 2023
ŞƏRHLƏRŞƏRH YAZ