Onlayn ictimai-siyasi qəzet
Zelenskidən şok qərar: ordudan qaçan dezertirlərə görə BU QANUNU imzaladı
Ukrayna prezidenti Volodimir Zelenski hərbi hissələrini özbaşına tərk etmiş, lakin 2025-ci il yanvarın 1-dək könüllü şəkildə geri dönən hərbçilərə cinayət məsuliyyətindən azadlıq və sosial təminatların tam bərpasını nəzərdə tutan qanunu imzalayıb.
Musavat.com xəbər verir ki, bu qanun 28 noyabr tarixində imzalanıb və dərhal ertəsi gün, noyabrın 29-da qüvvəyə minib.
Yeni qanun müharibə şəraitində ordunun gücünü qorumaq və yenidən formalaşdırmaq məqsədi daşıyır. Ukrayna Baş Qərargahının məlumatına görə, qanunun təsdiqlənməsindən əvvəl də, noyabrın əvvəlindən etibarən artıq 6 mindən çox dezertir hərbi xidmətə qayıdıb. Bu rəqəmləri Baş Qərargahın nümayəndəsi Dmitri Lixovoy BBC-yə təsdiq edib. Onun sözlərinə görə, bu addım hərbi strukturların güclənməsi və işçi qüvvəsinin artırılması baxımından mühüm rol oynayır.
Qanuna əsasən, geri dönən hərbçilərə əvvəlki sosial təminatlar – maaş, ailə üzvlərinin dəstəklənməsi və digər imtiyazlar qaytarılacaq. Həmçinin, onlar hərbi əməliyyatlarda iştiraka görə mükafatlandırma hüququndan da istifadə edəcəklər.
Qanun, eyni zamanda, cəmiyyət arasında müxtəlif fikirlər doğurub. Bəziləri bunu müharibə şəraitində praktiki həll yolu kimi qiymətləndirsə də, digərləri bu qərarın hərbi nizam-intizama zərbə vuracağını düşünür. Lakin hökumət bu addımı dezertirliyin qarşısını almaq və hərbi əməliyyatlara daha çox insan cəlb etmək üçün effektiv həll yolu kimi görür.
Ekspertlərin fikrincə, Ukrayna ordusunun müharibə şəraitində gücünü qoruyub saxlaması üçün bu addım mühüm əhəmiyyət kəsb edir. Dezertirlikdən qayıdan hərbçilərə amnistiyanın tətbiqi həm hərbi qüvvələrin sayını artıracaq, həm də ordunun mənəvi-psixoloji vəziyyətini sabitləşdirəcək.
Musavat.com
XƏBƏR LENTİ
03 Dekabr 2024
02 Dekabr 2024
ŞƏRHLƏRŞƏRH YAZ