Onlayn ictimai-siyasi qəzet
Ukrayna Silahlı Qüvvələrinin komandanı general Valeri Zalujnı yanvar ayında Ukrayna əsilli amerikalıdan 1 milyon dollar miras alıb və onu ordunun ehtiyaclarına bağışlayıb.
Musavat.com xəbər verir ki, bu barədə “The New York Times” qəzeti məlumat yayıb.
Məlumata görə, belə böyük məbləğdə pulu Zalujnıya ABŞ vətəndaşı Qreqori Stepanets vəsiyyət edibmiş. “The New York Times” general Zalujnının həmin amerikalını tanıyıb-tanımadığını və ya onunla qan qohumluğunun olub-olmadığını dəqiqləşdirməyib. Ukrayna Silahlı Qüvvələrinin mətbuat xidməti ianə faktını təsdiqləyib.
“The New York Times” Ukrayna Milli Bankına istinadən yazır ki, son bir ildə Ukrayna Silahlı Qüvvələrinə 22 milyard qrivnadan çox, yəni təxminən 500 milyon dollar ianə bağışlanıb.
Qəzetin yazdığına görə, Ukrayna ordusuna dəstək üçün ABŞ-da qurulan “Sağ Qayıt” Fondu və “Sergey Pritula Fondu” ümumilikdə 200 milyon dollardan çox pul köçürüb. “Suspilne” şirkətinin apardığı sorğunun nəticələrinə görə, bütün ukraynalıların təxminən dörddə biri müharibə zamanı ordunun ehtiyaclarına vəsait ayırıb. “The New York Times” qəzetinin yazdığına görə, restoranlarda nahar edənlərə hesabı ödəyərkən hərbçilərə kiçik məbləğdə ianə vermək təklif edilir.
Musavat.com
11 Oktyabr 2024
00:22 COP29-un prezidenti: Yeni Kollektiv Kəmiyyət Məqsədi danışıqların əsas prioriteti olaraq qalır
10 Oktyabr 2024
ŞƏRHLƏRŞƏRH YAZ