Onlayn ictimai-siyasi qəzet
COP29-un prezidenti: Yeni Kollektiv Kəmiyyət Məqsədi danışıqların əsas prioriteti olaraq qalır
Böyük Britaniyanın “Climate Home News” saytında BMT-nin İqlim Dəyişikliyi üzrə Çərçivə Konvensiyasının (COP29) Tərəflər Konfransının 29-cu sessiyasının təyin olunmuş prezidenti Muxtar Babayevin İqlim sammitinə həsr olunmuş məqaləsi dərc olunub.
“Report”un məlumatına görə, məqalədə qeyd edilir ki, bu həftə Bakıda BMT-nin iqlim danışıqlarının texniki və siyasi aspektləri müzakirə olunur.
Bu müzakirələr COP29 sammiti ərəfəsində dönüş nöqtəsidir, həm də iqlim dəyişikliyinə qarşı qlobal mübarizə üçün lakmus kağızıdır.
COP28-in ilk altı ayında ekstremal hava hadisələri ölkələrə 41 milyard dollar ziyan vurdu ki, bu, qətiyyətli tədbirlərin görülməsinin vacibliyini vurğulayır.
BMT-nin iqlim danışıqlarının texniki və siyasi aspektləri arasında qarşılıqlı əlaqənin sürətləndirilməsi vacibdir, çünki texnoloji tərəqqi siyasi qərarları məlumatlandırır və siyasi iradə texnoloji irəliləyişlərə imkan verir.
Pre-COP öz işinə 2030-cu ilə qədər 250 milyard dollara qədər qənaəti təmin edə biləcək səmərəli karbon bazarların üçün çərçivə olan COP29-da 6-cı Maddənin razılaşdırılması ilə bağlı texniki məsələlərdə irəliləyişlə başladı.
Məqalədə bildirilir ki, iqlim maliyyəsi üzrə Yeni Kollektiv Kəmiyyət Məqsədi COP29 danışıqları üçün əsas prioritet olaraq qalır. Xüsusilə inkişaf etməkdə olan ölkələr üçün iqlim tədbirlərinin təmin edilməsi vacibdir və problemin həm aktuallığı, həm də miqyası nəzərə alınmalıdır. Paris Sazişi üzrə öhdəliklərə uyğun şəffaflıq da eyni dərəcədə vacibdir. Bir sıra kritik məsələlərdə mövqelərin yaxınlaşmasının çox ümidverici əlamətləri var.
İqlim dəyişikliyi idarəetmənin və cəmiyyətin bütün aspektlərinə təsir göstərir, buna görə də bütün müvafiq dövlət idarələri bu prosesdə iştirak etməlidir - maliyyə və enerjidən tutmuş kənd təsərrüfatı və səhiyyəyə qədər.
Əsas məsələ COP28-də razılaşdırılmış iqlim fəaliyyətinə dair ilk qlobal hesabatın nəticələrinə əsaslanmaqdır. Buraya bütün iqlim cəbhələrində sürətli irəliləyişin əldə edilməsi daxildir.
"Hər şeydən əvvəl, ədalətli iqlim maliyyəsini təmin etmək üçün birlikdə işləməliyik. Biz həmçinin davamlılıq yaratmalıyıq və emissiyaları azaltmalıyıq. Bu, enerji sistemlərində qalıq yanacaqlardan uzaqlaşmanın ədalətli və nizamlı şəkildə təşviq edilməsini əhatə edir. Hər bir töhfə önəmlidir”, - məqalədə deyilir.
Həmçinin vurğulanır ki, COP29-un Sədrliyi aparıcı rol oynayır və Azərbaycan Milli Səviyyədə Müəyyən Edilmiş Töhfələr üzərində fəal işləyir. Burada BƏƏ və Braziliyadan olan həmkarların da rolu əvəzsizdir.
COP29-un Sədrliyi həm də vədləri konkret fəaliyyətə çevirməyə diqqət yetirib. BMT-nin Yaşıl İqlim və Adaptasiya fondlarına töhfələrin əhəmiyyətli dərəcədə artırılmasına təcili ehtiyac var.
İstixana qazları emissiyalarına dair iki illik şəffaflıq hesabatlarının vaxtında təqdim edilməsi Paris Sazişinin bütün bəndləri üzrə ambisiyaların artırılması üçün vacib olacaq.
"Dünya bizi izləyir və tarix bizi nəticələrimizə görə mühakimə edəcək. Azərbaycan ölkələr arasında körpü rolunu oynamaq üçün əlindən gələni edəcək. COP29-da uğur və ya uğursuzluq kollektiv olacaq və hamımız böyük çağırışa cavab vermək üçün əlimizdən gələni etməliyik.
Danışıqlar zamanı bütün tərəflər bir-birinə necə yaxınlaşa biləcəkləri barədə düşünməlidirlər. Çünki biz birlikdə ambisiyaları yüksəltdiyimiz və fəaliyyət üçün şərait yaratdığımız uğurlu konfransa yol aça bilərik. Biz sabahı xilas etmək üçün bu günə sərmayə qoya bilərik”, - məqalədə qeyd olunur.
XƏBƏR LENTİ
24 Noyabr 2024
ŞƏRHLƏRŞƏRH YAZ