Onlayn ictimai-siyasi qəzet
Ukrayna Rusiya və Belarusun 18 minədək dəmir yolu vaqonunu həbs edib
Ukrayna Baş prokurorluğu Rusiya və Belarus müəssisələrinin 18 minə yaxın dəmir yolu vaqonunun üzərinə həbs qoyub.
AZƏRTAC TASS agentliyinə istinadla xəbər verir ki, bu barədə cümə axşamı günü ölkənin Baş prokurorunun ofisi məlumat yayıb.
Məlumata görə, Baş prokurorluq RF və Belarus kompaniyalarına məxsus 17 min 800 dəmir yolu vaqonunun həbsini təmin edib. Ukrayna ərazisindəki bu vaqonlar “dövlət fəaliyyəti sferasına ziyan vurmaq üçün istifadə olunurdu”.
Hazırda həbs edilmiş vaqonların dövlət gəlirləri xeyrinə müsadirə olunması məsələsinə baxılır. Təhqiqat İqtisadi təhlükəsizlik bürosu tərəfindən aparılır.
Qeyd edək ki, Ukrayna Prezidenti Volodimir Zelenski martın 10-da Ukraynada Rusiya Federasiyasına və onun rezidentlərinə məxsus obyektlərin mülkiyyət hüququnun məcburən alınmasının əsas prinsipləri haqqında qanunu imzalayıb.
ƏLAQƏLİ XƏBƏRLƏR
XƏBƏR LENTİ
09 Oktyabr 2024
ŞƏRHLƏRŞƏRH YAZ