Onlayn ictimai-siyasi qəzet
Türkoloq Gülxanım Vəliyeva DƏFN EDİLDİ - YENİLƏNİB
Filologiya üzrə fəlsəfə doktoru, Bakı Dövlət Universitetinin Türkologiya fakültəsinin dosenti Gülxanım Vəliyeva Buzovna qəbiristanlığında dəfn edilib.
Dəfn mərasimində mərhumun yaxınları ilə yanaşı, BDU-nun Filologiya fakültəsinin professor-müəllim heyəti də iştirak edib.
Qeyd edək ki, G.Vəliyeva bu gün səhər 80 yaşında vəfat edib.//APA
***
11:33
Filologiya üzrə fəlsəfə doktoru, Bakı Dövlət Universitetinin Türkologiya kafedrasının dosenti Gülxanım Vəliyeva vəfat edib.
Bu barərə BDU-nun Filologiya fakültəsinin dekan müavini Anar Fərəcov məlumat verib.
Mərhum alim bu gün Buzovna qəbiristanlığında torpağa tapşırılacaq.
Qeyd edək ki, G.Vəliyeva bir müddətdir onkoloji xəstəlikdən əziyyət çəkirdi.
Xatırladaq ki, G. Vəliyeva 7 oktyabr 1944-cü ildə Bakı şəhərində anadan olub. 1968-1970-ci illərdə AMEA-nın İ.Nəsimi adına Dilçilik İnstitutunun elmi işçisi olub. 1970-ci ildən Bakı Dövlət Universitetinin Türkologiya kafedrasında müxtəlif vəzifələrdə (baş laborant, müəllim, baş müəllim, dosent) çalışıb.
G.Vəliyeva 1984-cü ildə “Azərbaycan dili Şərqi Abşeron şivələrinin leksikası” mövzusunda namizədlik dissertasiyası müdafiə edib, 1990-ci ildə isə dosent elmi adını alıb. Elə həmin ildən BDU-nun Türkologiya kafedrasının dosenti kimi fəaliyyət göstərib.//APA
XƏBƏR LENTİ
12 Yanvar 2025
ŞƏRHLƏRŞƏRH YAZ