Onlayn ictimai-siyasi qəzet
Tramp 907-ci düzəlişi rəsmən DAYANDIRDI
ABŞ prezidenti Donald Trampın Azadlığa Dəstək Aktının 907-ci maddəsinin Azərbaycanla bağlı fəaliyyətinin dayandırılması ilə bağlı memorandumunun mətni dərc olunub.
Sənəddə bildirilir ki, ABŞ Konstitusiyası və qanunları, o cümlədən 2002-ci il Xarici Əməliyyatların Maliyyələşdirilməsi, İxracın Maliyyələşdirilməsi və Əlaqədar Proqramlar Aktı çərçivəsində Tramp Azadlığa Dəstək Aktının 907-ci maddəsinin dayandırılmasını təsdiqləyib.
Musavat.com xəbər verir ki, sənədə əsasən, “Azadlığa Dəstək Aktı”na əlavə edilmiş 907-ci düzəlişin Azərbaycana münasibətdə tətbiqi yenidən dayandırılıb.
Prezidentin qərarında qeyd olunur ki, bu addım:
• ABŞ-ın beynəlxalq terrorizmə qarşı səylərinin dəstəklənməsi üçün vacibdir;
• ABŞ Silahlı Qüvvələrinin və koalisiya tərəfdaşlarının hazırlığını dəstəkləyir;
• Azərbaycanın sərhəd təhlükəsizliyi baxımından mühüm əhəmiyyət daşıyır;
• Ermənistan və Azərbaycan arasında aparılan sülh danışıqlarını zəiflətmir və Ermənistan əleyhinə istifadə olunmayacaq.
Beləliklə, Tramp imzaladığı qərarla Azadlığa Dəstək Aktının 907-ci maddəsindən imtinanın müddətini uzadıb.
Qeyd edək ki, Tramp 907-ci düzəlişin dayandırılması haqqında fərmanı 8 avqust 2025-ci ildə imzalayıb.
Musavat.com
XƏBƏR LENTİ
16 Avqust 2025
ŞƏRHLƏRŞƏRH YAZ