Onlayn ictimai-siyasi qəzet
Ötən günlərdə Ukraynanın şərqindəki “son qalası” olan Baxmutdan əsgərlərini geri çəkəcəyini açıqlayan Rusiyanın muzdlu qruplaşması “Vaqner”in qurucusu Yevgeni Priqojin yeni açıqlama verib.
Musavat.com "Al Jazeera"yə istinadən xəbər verir ki, Priqojin Baxmut şəhərinə hücumu davam etdirmək üçün ona kifayət qədər silah və sursat vəd edildiyini bildirib.
"Putinin aşpazı" kimi tanınan Priqojinin bu sözləri “U” dönüşü kimi səciyyələndirilib.
Ukrayna tərəfi bildirib ki, “Vaqner” qüvvələrinin Baxmutdan geri çəkilməsinə dair heç bir əlamət yoxdur.
Ukrayna, həmçinin Rusiyanın hipersəs raketini ABŞ Patriot sistemi ilə vurduğunu açıqlayıb. Bildirilib ki, “Kinjal” raketi Kiyev səmasında vurulub.
Musavat.com
07 Oktyabr 2024
ŞƏRHLƏRŞƏRH YAZ