Onlayn ictimai-siyasi qəzet
Sankt-Peterburqda aeroport bir gecədə iki dəfə bağlandı - SƏBƏB
Sankt-Peterburqun Pulkovo hava limanında uçuşlara müvəqqəti məhdudiyyətlər tətbiq edilib.
Musavat.com xəbər verir ki, bu barədə “Rosaviasiya”nın nümayəndəsi Artem Korenyako teleqram kanalında bildirib.
O, məlumat verib ki, məhdudiyyətlər mülki təyyarələrin uçuşlarının təhlükəsizliyini təmin etmək üçün Moskva vaxtı ilə saat 07:45-dən etibarən qüvvədədir. Məlumata görə, hava limanı gecədən etibarən ikinci dəfədir bağlanır. Hava limanının saat 23:43-dən 00:48-dək bağlandığını, bundan sonra fəaliyyətini bərpa etdiyinə dair xəbərlər yayılıb. Daha sonra, gecə saatlarında Leninqrad vilayətinin qubernatoru Aleksandr Drozdenko Finlandiya körfəzinin Luqa körfəzi yaxınlığında pilotsuz təyyarənin vurulduğunu bildirib. Onun sözlərinə görə, tələfat və dağıntı yoxdur.
Səhər saatlarında isə Müdafiə Nazirliyi bir gecədə Rusiya səmasında 16 pilotsuz uçan aparatın, o cümlədən birinin Leninqrad vilayəti üzərində məhv edildiyini açıqlayıb.
Nigar HƏSƏNLİ,
Musavat.com
XƏBƏR LENTİ
06 Yanvar 2025
ŞƏRHLƏRŞƏRH YAZ