Onlayn ictimai-siyasi qəzet
Rusiyadan ŞOK AÇIQLAMA - Kremlə hücumun arxasında ABŞ dayanır
Kreml dünən Rusiya prezidenti Vladimir Putinin hədəf alındığı iddia edilən pilotsuz təyyarə hücumlarının arxasında ABŞ-ın dayandığını iddia edib.
Musavat.com xəbər verir ki, Kremlin sözçüsü Dmitri Peskovun sözlərinə görə, Kremlə edilən hücumun arxasında Vaşinqton dayanır.
"Biz bilirik ki, bu cür hücumlarla bağlı qərarlar Kiyevdə deyil, Vaşinqtonda verilir. Kiyev yalnız deyilənləri edir" - o bildirib.
Qeyd edək ki, Kremldən dünən verilən açıqlamada Moskvada Kreml Sarayına pilotsuz uçuş aparatları (PUA) ilə hücum edildiyi açıqlanıb və hücumun Rusiya prezidenti Vladimir Putinə qarşı sui-qəsd cəhdi olduğu bildirilib. Putinin hücum zamanı Kremldə olmadığı qeyd edilib.
Ukrayna prezidenti Vladimir Zelenski Rusiyanın Kreml Sarayına pilotsuz təyyarə hücumunun arxasında Ukraynanın olması ilə bağlı iddialarını rədd edib.
Musavat.com
XƏBƏR LENTİ
07 Oktyabr 2024
ŞƏRHLƏRŞƏRH YAZ