Onlayn ictimai-siyasi qəzet
Rusiya dövlət fondunun rəhbəri ABŞ-a gedir – Sanksiya siyahısından çıxarılıb
Rusiya Birbaşa İnvestisiya Fondunun (RDIF) rəhbəri Kirill Dmitriyev bu həftə ABŞ prezidentinin xüsusi nümayəndəsi Stiven Vitkoff ilə görüşmək üçün Vaşinqtona səfər edə bilər.
Musavat.com xəbər verir ki, məlumatı CNN telekanalı mənbələrə istinadən yayıb.
Dmitriyevin səfəri yüksək rütbəli rusiyalı məmurun 2022-ci ildən bəri danışıqlar üçün ABŞ paytaxtına ilk səfəri ola bilər. Bildirilir ki, görüşün məqsədi Rusiya ilə ABŞ arasında münasibətləri gücləndirmək və Ukraynadakı münaqişəyə son qoymaq yollarını tapmaq olacaq.
Martın sonlarında Dmitriyev “İzvestiya”ya bildirib ki, Rusiya və ABŞ nadir torpaq metalları layihələri üzrə danışıqlara başlayıb.
CNN-in məlumatına görə, ABŞ hökuməti Dmitriyevə qarşı sanksiyaları dayandırıb ki, Dövlət Departamenti ona ölkəyə daxil olmaq üçün viza verə bilsin.
Musavat.com
XƏBƏR LENTİ
03 Aprel 2025
ŞƏRHLƏRŞƏRH YAZ