Onlayn ictimai-siyasi qəzet
“Plenar iclasadək qanun layihəsinə 70 düzəlişin edilməsi demokratik müzakirə mühitindən xəbər verir”-Vüqar Bayramov
Milli Məclisin sonuncu plenar iclasında “Siyasi partiyalar haqqında” qanuna layihəsi üçüncü oxunuşda qəbul olunub. Qəbul olunan qanunla bağlı fərqli fikirlər mövcuddur.
Deputat Vüqar Bayramov Musavat.com-a bildirib ki, bu sənədin qəbulu islahatların inkluzivliyini genişləndirməsinə və siyasi sferada əməkdaşlıq platformasının inkişafına xidmət edəcək: “Plenar iclasadək qanun layihəsinə 70 düzəlişin edilməsi də demokratik müzakirə mühitindən xəbər verir”.
V.Bayramov deyib ki, son illər siyasi arenada ciddi əməkdaşlıq platforması yaradılıb: “Ümummilli məsələlərdə əksər siyasi partiyaların vahid mövqe nümayiş etdirməsi də məhz bu əməkdaşlığın nəticəsidir. Siyasi arenada islahatların davam etdirilməsi ilə bağlı ölkədəki güclü siyasi iradə mövqeyindən asılı olmayaraq bütün dövlətçi partiyalar üçün yeni imkanlar yaradır. Bu qanunun qəbul edilməsi həmin imkanları daha da gücləndirəcək”. Deputatın sözlərinə görə, bu isə o deməkdir ki, qanun layihəsi hazırda reallaşan islahatlar kontekstində yeni siyasi sistemin tələblərinə cavab verəcək mütərəqqi bir sənəd olacaq: “Digər tərəfdən, qanun layihəsinin hazırlanması zamanı siyasi partiyalardan daxil olan təkliflər nəzərə alınıb, beynəlxalq təcrübəyə istinad edilib ki, bu da layihənin əhəmiyyətini göstərən əsas faktorlardan hesab olunur”.
V.Bayramovun fikrincə, siyasi partiyaların ictimai müzakirələr zamanı səsləndirdiyi fikirlərin sənəddə öz əksini tapması da bir daha təsdiq edir ki, yeni layihə siyasi mühitdə islahatların davam etdirilməsinə təkan verəcək. Bu qanun layihəsinin Konstitusiyaya və Avropa İnsan Hüquqları Konvensiyasına uyğun olması, o cümlədən birləşmək azadlığı hüququnu özündə ehtiva etməsinə imkan yaradır.
Musavat.com
XƏBƏR LENTİ
11 Oktyabr 2024
00:22 COP29-un prezidenti: Yeni Kollektiv Kəmiyyət Məqsədi danışıqların əsas prioriteti olaraq qalır
10 Oktyabr 2024
ŞƏRHLƏRŞƏRH YAZ