Onlayn ictimai-siyasi qəzet
Hindistana məxsus döyüş təyyarəsi vuruldu! Pakistan Milli Təhlükəsizlik Komitəsini toplayır
Musavat.com xəbər verir ki, Pakistan mediası ölkə ərazisində vurulmuş bir Hindistan təyyarəsinin fotosunu yayıb. Samaa TV kanalının dərc etdiyi görüntülərdə gecə saatlarında alova bürünmüş, böyük ehtimalla Hindistan Hərbi Hava Qüvvələrinə məxsus “Rafale” tipli qırıcı görünür. İddialara görə, bu, son günlərdə Hindistan-Pakistan sərhədində yaşanan gərginliyin nəticəsidir.
Xəbəri yayaraq diqqətə çatdıran “Clash Report” platforması qeyd edir ki, vəziyyətin ciddiləşməsi fonunda Pakistan hökuməti Milli Təhlükəsizlik Komitəsinin təcili iclasını çağırıb. Bu addımın məqsədi sərhəddəki hadisələrə siyasi və hərbi reaksiya planını müəyyənləşdirməkdir.
Hələlik Hindistan tərəfi məsələ ilə bağlı heç bir açıqlama verməyib. Lakin bölgədəki hərbi aktivliyin artdığı müşahidə olunur.
Qeyd edək ki, Hindistanla Pakistan arasında son illərdə Cammu və Kəşmir bölgəsinə görə gərginlik tez-tez silahlı toqquşmalara səbəb olur. 2019-cu ildə də iki ölkə arasında hava döyüşü baş vermişdi və tərəflər bir-birinin hərbi təyyarələrini vurduğunu bəyan etmişdi.
Musavat.com hadisənin təfərrüatlarını izləyir və yeni məlumatlar olduqca oxuculara təqdim edəcək.
Musavat.com
XƏBƏR LENTİ
07 May 2025
ŞƏRHLƏRŞƏRH YAZ