Onlayn ictimai-siyasi qəzet
Konstitusiya Məhkəməsi 3-cü prezidentə də impiçment qərarı verdi
Cənubi Koreyanın Konstitusiya Məhkəməsi yekdilliklə prezident Yun Seok-Yeolun hakimiyyətdən birdəfəlik uzaqlaşdırılması ilə bağlı impiçmenti təsdiqləyib.
Musavat.com xarici agentliklərə istinadən xəbər verir ki, məhkəmənin səkkiz hakiminin hamısı impiçmentə səs verib. Hakimlər hərbi vəziyyətin tətbiqi üçün heç bir hüquqi əsasın olmadığı qənaətinə gəliblər. Konstitusiya bunu yalnız müharibə, silahlı münaqişə və ya digər milli fövqəladə hallar zamanı etməyə icazə verir. Hakimlər Yun Seok-Yeolun parlamentə hərbi personal göndərməklə qanunu pozduğuna qərar veriblər. Məhkəmə belə nəticəyə gəlib ki, Yun Seok-Yeol ordudan siyasi məqsədlər üçün istifadə edib.
Hakimlər bildiriblər ki, parlament fəaliyyətinə qadağa da daxil olan hərbi vəziyyət fərmanı Cənubi Koreya vətəndaşlarının əsas hüquqlarını pozur.
Xatırladaq ki, dekabrın 14-də parlament hərbi vəziyyətlə əlaqədar Yun Seok-Yeola impiçment elan edib. Deputatlar hesab ediblər ki, dekabrın 3-də hərbi vəziyyət konstitusiyaya zidd olaraq tətbiq edilib, çünki bunun üçün heç bir əsas olmayıb.
Sabiq prezident özü ittihamları rədd edib, bildirib ki, onun hərbi vəziyyətin tətbiqi ilə bağlı siyasi qərarının etibarlılığına hüquqi baxımdan etiraz etmək olmaz.
Konstitusiya Məhkəməsi bundan əvvəl müvafiq olaraq 2004 və 2017-ci illərdə prezidentlər Roh Muhyun və Park Kın Heyə qarşı iki impiçment işinə baxıb. Birincisi vəzifəsinə bərpa edilib, ikincisi hakimiyyətdən uzaqlaşdırılıb. Yun Seok-Yeoulun məhkəməsi ən uzun çəkən proses olub.
Musavat.com
XƏBƏR LENTİ
05 Aprel 2025
04 Aprel 2025
ŞƏRHLƏRŞƏRH YAZ