Onlayn ictimai-siyasi qəzet
İtkin düşən "amerikalı Hacı" tapıldı - VİDEO
Daha əvvəl itkin düşdüyü bildirilən amerikalı Suriyanın paytaxtı Dəməşq yaxınlığındakı bir qəsəbədə tapılıb.
Tapılma anı ilə bağlı yayılan videoda özünü "Missuridən Travis" kimi təqdim edən şəxs Livandan Suriyaya piyada keçdikdən sonra saxlanıldığını və "hacı" olduğunu bildirdi.
O, Livandan Suriyaya dağları keçərək gəldiyini və orada saxlanıldığını izah edib.
Travis "Burada yaxşıyam, daha çox sual verə bilərsiniz" deyərək hazırda ABŞ rəsmilərinin onu müdafiə etmə təklifinə ehtiyacı olmadığını bildirib.
Xəbərin yayıldığı andan sonra Travisin kimliyi ilə bağlı yeni məlumatlar ortaya çıxıb. ABŞ-nin Missuri əyalətində və Macarıstanın paytaxtı Budapeştdə "Travis" adlı bir şəxs üçün itkin hesabatlarının olduğu məlum olub. Macarıstan polisi bu şəxsin adını "Travis Pete Timmerman" olaraq açıqlayıb. May ayında Missuri Ştat Yol Patrul xidməti Budapeştdə yoxa çıxan Timmerman üçün ictimai məlumat bülleteni dərc edibmiş.
29 yaşlı Timmerman sonuncu dəfə kilsədə görülüb və sonra ondan xəbər alınmayıb. Səlahiyyətlilər Timmermanın Budapeştdən Suriyaya necə çatdığı və orada nələr yaşadığı ilə bağlı araşdırmalarını davam etdirir./BAKU.WS /
XƏBƏR LENTİ
13 Dekabr 2024
ŞƏRHLƏRŞƏRH YAZ