Onlayn ictimai-siyasi qəzet
FTX zabiti: “Trampın qətlinə ən yüksək səviyyədə izn verilib”
ABŞ-ın keçmiş prezidenti Donald Trampa sui-qəsd cəhdi ən yüksək səviyyədə razılaşdırılmış ola bilər.
Musavat.com xəbər verir ki, bu fikri Tsargrad.tv-yə müsahibəsində “Alfa” antiterror qrupunun Veteranları Assosiasiyasının üzvü, FTX-nin ehtiyatda olan polkovnik-leytenantı Andrey Popov deyib.
“Trampın aradan götürülməsi üçün bu tədbirə ən yüksək səviyyədə icazə verilib və təşkil edilib. Sui-qəsd xüsusi hazırlanmışdı: heç bir kordon, sərhəd yox idi”, - Popov qeyd edib.
O əlavə edib ki, mühafizə xidməti çoxlu səhvlərə yol verib. Onun sözlərinə görə, suallar atıcıya doqquz güllə atmağa icazə verilməsi (Amerika mediasına görə) və o, Trampın qulağına dəydikdən sonra killerin aradan götürülməsi ilə əlaqədardır.
İyulun 13-də Trampa Pensilvaniyada mitinq zamanı sui-qəsdə cəhd olunub. Siyasətçiyə bir neçə dəfə atəş açılıb, bundan sonra eks-prezident qulağı qanlı halda səhnədən götürülüb və xəstəxanaya yerləşdirilib.
Atıcı məhv edilib və şəxsiyyəti müəyyən olunub. FTB-nin məlumatına görə, o, 20 yaşlı Pensilvaniya əsilli Tomas Metyu Kruksdur. “New York Post” qəzetinin mənbələrinin məlumatına görə, gənc oğlan Trampın danışdığı səhnənin təxminən 120 metrliyində istehsalat fabrikinin damından atəş açıb.
Musavat.com
XƏBƏR LENTİ
26 Noyabr 2024
ŞƏRHLƏRŞƏRH YAZ