Onlayn ictimai-siyasi qəzet
Fransada nazirin “Playboy”a müsahibəsi qalmaqal yaratdı
Fransanın hökumət naziri Marlen Skiappa Playboy jurnalının üz qabığında göründükdən sonra öz partiyasının üzvləri tərəfindən tənqid edilib.
AzVision.az xəbər verir ki, 2017-ci ildən hökumət naziri olan Skiappa qadın və LGBT hüquqları ilə bağlı verdiyi 12 səhifəlik müsahibəsi ilə jurnalın üz qabığında yer alıb. Hazırda Sosial İqtisadiyyat və Fransa Assosiasiyaları naziri olan Marlen jurnalın üz qabığı üçün ağ paltarda çəkilib. O, uzun müddət qadın hüquqlarının müdafiəçisi olub və 2017-ci ildə ölkənin gender bərabərliyi üzrə ilk naziri təyin edilib.
Onun jurnaldakı görünüşü Fransanın baş naziri Elizabet Born da daxil olmaqla, digər siyasətçilərin tənqidinə səbəb olub. Born nazirin jurnalın üz qabığında görünməsini "xüsusilə bu dövrdə yersiz" adlandırıb.
2022-ci il prezident seçkilərində üçüncü olan fransız siyasətçisi Jan-Lyük Melanşon həm nazirin jurnalın üz qabığında görünməsini, həm də Fransa prezidenti Emmanuel Makronun bu həftə uşaq jurnalı Pif Gadget-a müsahibə vermə qərarını tənqid edib.
"Prezidentin özünü Pifdə, nazirinin isə Playboy-da ifadə etdiyi ölkədə müxalifət problem olacaq. Fransa dəli olur".
ƏLAQƏLİ XƏBƏRLƏR
XƏBƏR LENTİ
08 Oktyabr 2024
ŞƏRHLƏRŞƏRH YAZ