Onlayn ictimai-siyasi qəzet
"Ermənistanın yeni bir müharibəyə sürüklənməsi ona gətirib çıxaracaq ki..." - Politoloq ŞƏRHİ
"Biz unutmamalıyıq ki, bu gün bu vəziyyətlə barışmaq istəməyən anti-Azərbaycan qüvvələr, bəzi Qərb paytaxtlarında oturan islamofoblar, azərbaycanofoblar Ermənistanı yeni müharibəyə təhrik edirlər. Bu, Ermənistan dövləti üçün tam faciə ola bilər".
Prezident İlham Əliyevin bu fikirləri Cənubi Qafqazdakı geopolitik gərginliyi və Azərbaycanın regional təhlükəsizlik məsələlərinə dair narahatlığını ifadə edir.
Məlum olduğu kimi xüsusən Qərb dövlətləri və onların içindəki müəyyən güclər Ermənistanı müharibəyə sürükləməyə çalışır. Ermənistanın yeni bir müharibəyə sürüklənməsi isə, dövlətin mövcud vəziyyətinə ciddi təhlükələr yarada bilər. Bu həmçinin Cənubi Qafqazın təhlükəsizliyinə dair narahatlıqları da artırır.
Musavat.com mövzu ilə bağlə politoloq Asif Nərimanlı qeyd edib:
"İlham Əlitevin Zəfər günü münasibətilə xalqa ünvanladığı müraciətdə səsləndirdiyi iki fikri yaxın və uzaq perspektivdə həm dövlət, həm xalq olaraq, unutmamalıyıq.
Birincisi, Ermənistanın silahlandırılması və yeni müharibəyə hazırlanmasıdır. İlham Əliyev “Biz hər an yeni təxribata hazır olmalıyıq” deyir və hadisələrin inkişafı – ermənilərin hərbi müstəvidə dəstəklənməsi və Ermənistan üzərindən qurulan siyasi planlar – bu fikirlərin ritorika yox, kəşfiyyat məlumatlarına əsaslandığını deməyə əsas verir. Və ilkin hədəf Azərbaycan üzərində üstünlük qazanmaq deyil, bunun çətin olduğunu anlayırlar, həm də hansısa üstünlüyün qazanılması bu planda əlavə “qazanc” ola bilər. Hədəf mümkün təxribatlarla regionda siyasi daşları qarışdırmaq – danışıqlar prosesinin inkişafını dəyişdirmək, gündəliyi korekt etməkdir. Bu, sülh sazişindən bəhs edən Ermənistan rəhbərliyi üçün alternativ plandır.
İkincisi, qazandığımız Zəfəri qəbul edə bilməmələridir. İlham Əliyev deyir ki, “44 günlük Vətən müharibəsi və antiterror əməliyyatı, bizim Zəfərimiz təkcə Ermənistanın məğlubiyyəti deyil, onların arxasında duranların acı və alçaldıcı məğlubiyyətidir. Onu bizə bağışlaya bilmirlər”.
“Onu bizə bağışlaya bilmirlər” sözləri bu məsələdəki reallığı tam ifadə edir. Çünki Azərbaycan təkcə Şərqi Zəngəzuru yox, həm də Qarabağın azad edərək, Cənubi Qafqazda erməni separatizmini və onlar üzərində qurulan yüzillik planları məhv edib. Nə vaxtsa, az da olsa zəifləsək, əvəzini almaq üçün hazır vəziyyətdə gözləyirlər. Bunun olmaması üçün güclü olmalı və Ermənistanı daim nəzarətdə saxlamalıyıq: sülh müqaviləsi də ermənilərin maksimum güzəşti ilə imzalanmalıdır, əks təqdirdə, maksimum güzəşt əldə edilənə qədər gözləməliyik".
Xalidə Gəray
Musavat.com
XƏBƏR LENTİ
13 Noyabr 2024
12 Noyabr 2024
ŞƏRHLƏRŞƏRH YAZ