Onlayn ictimai-siyasi qəzet
DƏHŞƏT! Məşhur agentliyin sabiq əməkdaşı ailəsi ilə birlikdə ÖLÜ TAPILDI
"Bloomberg" informasiya agentliyinin keçmiş əməkdaşı Riçard Samarel ailəsi ilə birlikdə Cənubi Karolina ştatındakı malikanələrində ölü tapılıb.
Musavat.com xəbər verir ki, bu barədə "New York Post" qəzeti hüquq-mühafizə orqanlarına istinadən məlumat yayıb.
Bildirilir ki, polis qonşuların zəngindən sonra martın 29-da səhər saatlarında Riçardın, arvadı Linanın və doqquz yaşlı qızı Samantanın cəsədlərini aşkar edib.
Hazırda hüquq-mühafizə orqanları hadisənin təfərrüatlarını açıqlamır və ailənin ölüm səbəbinin bədbəxt hadisə, yoxsa qətl olduğunu bildirmir.
"New York Post"un məlumatına görə, ailənin daha bir qızı və oğlu hadisə baş verən zaman məktəbdə olublar.
Məlumatda həmçinin qeyd olunur ki, Riçard Samarel əvvəllər "Bloomberg"də qiymətli kağızlar üzrə menecer vəzifəsində çalışıb, Lina isə ABŞ-ın Veteranlarla İş Departamentində işləyib.
İqbal RZAYEV,
Musavat.com
XƏBƏR LENTİ
03 Aprel 2025
ŞƏRHLƏRŞƏRH YAZ