Onlayn ictimai-siyasi qəzet
"Çelsi"dən transferlərə 500 milyon avro
"Çelsi" qarşıdakı qış və yay transfer pəncərələrində yeni oyunçuların alınması üçün təxminən 500 milyon avro xərcləməyi planlaşdırır.
Qol.az xəbər verir ki, bu barədə "Sport Bild" məlumat yayıb. Bildirilib ki, "Çelsi"nin yeni sahibi Todd Bouli komandasına Bundesliqa və Premyer Liqanın ulduz futbolçularını cəlb etmək istəyir.
"Leyptsiq"in yarımmüdafiəçisi Kristofer Nkunku artıq "Çelsi" üçün tibbi müayinədən keçib və bu noyabrda Qətərdə keçiriləcək dünya çempionatı başlamazdan əvvəl onunla 5 illik müqavilə imzalanacaq. Transfer qiyməti 60 milyon avro olaraq qiymətləndirilir.
Xorvatiyalı müdafiəçi Yoşko Qvardiolanın da "Leyptsiq"dən 80 milyon avroya transferi gözlənilir.
London təmsilçisinin qarşıdakı transfer pəncərələri üçün əsas transfer hədəfi "Borussiya"nın (Dortmund) yarımmüdafiəçisi Jud Bellinqemdir. "Çelsi" Premyer Liqa və La Liqadakı digər klublardan onun üçün rəqabət qazanmaq üçün oyunçuya 120 milyon avrodan çox xərcləməyə hazırdır.
Klub həmçinin 170 milyon avro dəyərində olan "Vest Hem"in yarımmüdafiəçisi Deklan Raysı da transfer etmək istəyir.
"Çelsi" siyahısında digər Bundesliqa oyunçusu "Bavariya"nın müdafiəçisi Benjamin Pavarddır . Onun transferi 30 milyon avro dəyərində qiymətləndirilir.
XƏBƏR LENTİ
04 Oktyabr 2024
ŞƏRHLƏRŞƏRH YAZ