Onlayn ictimai-siyasi qəzet
Bakıda ŞOK: 7 yaşlı qızına qarşı zorakılıq edən ataya bu cəza verildi
1981-ci il təvəllüdlü Gəncə şəhər sakini R.R doğma qızına qarşı seksual xarakterli zorakılıq hərəkətləri edib.
Musavat.com-un xəbərinə görə, tükürpədən hadisə Bakıda baş verib.
43 yaşlı şəxs köməksiz vəziyyətdə olan 7 yaşlı qızına qarşı bu əməlini bir neçə dəfə təkrar edib. Təqsirləndirilən şəxs azyaşlını qorxudub ki, bu haqda heç kimə məlumat verməsin. Qızın anası xadimə işlədiyindən günün çox hissəsində evdə olmayıb. Buna görə də hadisədən gec xəbər tutub.
R.R bu cinayətdə özünü təqsirli bilməyib. Deyib ki, qızını ona qarşı öyrədən əmisi, yəni öz qardaşıdır.
Ona qarşı Cinayət Məcəlləsinin 150.3.3-cü (Seksual xarakterli zorakılıq hərəkətləri, 14 yaşına çatmayan şəxsə qarşı törədildikdə) maddəsi ilə ittiham irəli sürülüb. Bu maddənin sanksiyası ilə təqsirləndirilən şəxsə 15 ildən 20 ilədək azadlıqdan məhrumetmə cəzası təyin edilir.
Bakı Ağır Cinayətlər Məhkəməsi R.R barəsində 17 il azadlıqdan məhrumetmə cəzası təyin edib.
İ.Muradov
Musavat.com
XƏBƏR LENTİ
01 Fevral 2025
ŞƏRHLƏRŞƏRH YAZ