Onlayn ictimai-siyasi qəzet
“Avropa Ermənistanı qoruya bilməz” – erməni politoloqdan sensasiyalı AÇIQLAMA
Ermənistanın Avropa ölkələri ilə hərbi əməkdaşlığı ölkənin təhlükəsizliyini təmin etmək gücündə deyil.
Musavat.com xəbər verir ki, bunu erməni politoloq Qriqor Balasanyan "Sputnik Armenia"ya verdiyi müsahibəsində bildirib.
“Avropanın özünə belə təhlükəsizlik lazımdır”, – o deyib.
Fransanın “xilaskar” rolu şübhə altındadır
Balasanyanın sözlərinə görə, Fransa, xüsusilə Afrikadan utancverici geri çəkilməsindən sonra Ermənistanın xilaskarı roluna uyğun deyil.
“Hansısa bir toqquşma baş versə, nə Fransanın Xarici Legionu, nə də başqa bir bölməsi Ermənistan uğrunda döyüşə cəlb olunacaq. Ən yaxşı halda bir neçə zirehli texnika və “Sezar” özüyeriyən artilleriya qurğuları göndərməklə kifayətlənəcəklər”, – deyə o əlavə edib.
Ermənistanın təhlükəsizlik açarı haradadır?
Politoloq hesab edir ki, Ermənistanın təhlükəsizliyini təmin etmək üçün Rusiya, İran və Hindistanla əməkdaşlıq vacibdir.
“Doğru yanaşma ilə bu ölkələrlə yaxşı hərbi-texniki əməkdaşlıq qurmaq mümkün olardı”, – deyə Balasanyan vurğulayıb.
Ekspertlər bu yanaşmanı Ermənistanın hərbi və siyasi kursunda dəyişikliklərin zəruriliyinə işarə kimi qiymətləndirirlər.
Musavat.com
XƏBƏR LENTİ
18 Dekabr 2024
ŞƏRHLƏRŞƏRH YAZ